Kadika mvu, Zimbangi zi Yave bantumisanga biveve bi batu mu nza yimvimba, muingi Kubambukila Moyo lufua lu Yesu, dedi bo nandi katumina. (Luka 22:19) Nkungi awowo, wutusadisanga kuvisa tsundu mambu Yesu kavanga bo kavana moyo’andi, mu kibila ki batu boso. Mvandi wummonisa nkinza khudulu yi Yesu yidi kuidi befu bubu ayi mu bilumbu binkuiza.—Yoa. 3:16.

 Boti ngie wulandikini Mbambukulu Moyo mvu awuwu voti ndamba, buidi wulenda bakila ndandu mu khudulu yi lufua lu Yesu? Tala mambu muadi mankinza Yesu kalonga wulenda vanga:

1.  1. Longuka matedi Nzambi ayi Yesu. Mu nsambu kavanga kuidi Tat’andi yi diyilu, Yesu wutuba: “Luzingu lu mvu ka mvu lunsundula, kuzaba ngie Nzambi yimueka to yikiedika ayi Yesu Klistu mutu ngie wufila.”—Yoa. 17:3.

2.  2. Sadila mambu wunlonguka. Yesu wu tukindisa tusadila malongi mandi mu luzingu luitu. Dedi, nandi wumanisina dilongi diandi ku mbata mongo mu kutuba ‘yuwa mambu amama ayi wu masadila.’ (Luka 6:46-48) Mu khumbu yinkaka, wutuba: “Boti luzebi mambu amama, buna mayangi muidi beno kusadila mawu.”—Yoa. 13:17.

 Wulenda luta buela longuka matedi Nzambi ayi Yesu? Ngie wuntomba kusadila mambu wunlonguka? Tala mambu malenda kusadisa.

 Ndongukulu yi Kibibila mu khambu futa yinsadisanga batu bawombu kuvisa Kibibila ayi kusadila mambu kinlonga mu luzingu luawu.

•   Tala Ndongukulu yi Kibibila na nlongisi vama vantuba buela longuka mu programa ayiyi.

•   Tala video Ndizulu Yimboti mu Ndongukulu’aku yi Kibibila ayi mona buidi bumvangiminanga ndogukulu yi Kibibila na Zimbangi zi Yave.

 Zimbangi zi Yave bankutakannanga va kimueka ku Nzo Kintinu khumbu wadi mu kadika sabala. Mu zikhutukunu aziozio, tunlongukanga matedi Kibibila ayi buidi tulenda sadila malongi beni mu luzingu luitu.

 Noso kua mutu kalenda landakana zikhutunu zitu kheti kasi ko Mbangi yi Yave. Mvandi wulenda landakana ziawu ku Nzo Kintinu voti mu videoconferência.

•   Tala video Mambu mbi ma Monikanga ku Nzo yi Kintinu? Yawu yinkuiza kusadisa kuzaba mua mambu mammonikagakanga ku Nzo Kintinu.

•   Muingi wulandakana Lukutukunu va nsengi wukala, tala mu khondi mayo vama vantuba Zikhutukunu zi Zimbangi zi Yave.

 Mu khondi mayo muidi malongi mawombo ayi zi video zilenda kusadisa kulonguka beni malongi ma Yesu ayi kuvua nkinza lufua luandi.

 Dedi, wulenda longuka buidi lufua lu mutu mueka lu lenda tuadisila ndandu kuidi biveve bi batu. Tanga malongi dedi: “Buidi Yesu ka Tukudila?” ayi “Kibila mbi Yesu Katovukila ayi Kafuila?” voti tala video Kibila Mbi Yesu Kafwila?