BA KEBA KEBA!
Baklistu Balenda Nuana Mvita—Mbi Kibibila Kintuba?
Mvita ku Ucrania wumonisini ti, zimfumu ziwombo zi binganga batuadisidi wawu. Tala buidi zimfumu zi binganga bammonisanga ti bantuadisanga mvita.
“Tuntonda ayi tunzitisa benu boso mu buelizi mioko muingi kunuanina tsi yi Ucrania ayi kununga mben’itu . . . Bukiedika tumunatanga mu minsambu mitu tumvanganga mu ntima woso, ayi zabanu ti befu tuidi yinu, mfumu yi kinganga ki Ortodosia ku Russia wuvangizi lukutukunu muingi kukindisa masodi ma basi Russia. Ayi nandi wuba kindisidi ba nuanina tsi.”— Ngonda yintatu 16, 2022
“Kibila Russia yawu tsi yilutidi mangolo ayi Moscovo wukidi kotisa masodi ku Ucrania.”—Ngonda yinna 3, 2022.
Bukiedika ti baklistu bafueti nuana mvita? Mbi kibibila kintuba?
Mambu kibibila kintuba
Kibibila kimmonisa ti baklistu bakiedika bakotanga ko mu mambu ma mvita.
“Yesu wutuba: vutula mbedi va kibuangu kiandi kibila baboso bannuaninanga mu mbedi, mu mbedi bala kuba vondila.”—Matai 26:52.
Bukiedika ti mutu wunnuananga mvita voti wunuanisanga wunkaka wunlandakananga mambu Yesu katuba?
“Minu yilu vana lutumu lu mona: Luzolasana benu na benu ; dedi bo minu yimu zodilanga, benu mvinu mufueti zola bankaka. Mu phila ayoyo, baboso bala zaba ti benu muidi minlandikini miama:mu kuzolasana benu na benu.”—Yoani 13:34, 35.
Bukiedika ti mutu wunbuelanga mioko mvita, wummonisanga luzolo Yesu katubila, lunzabikisa baklistu bakiedika voti minlandikini miandi?
Muingi wubuela zaba, tanga dilongi dintuba “bukiedika ti baklistu bakiedika balenda buela mioko mu mvita?”
Buidi baklistu bakiedika bafueti tadila mvita bubu
Bukiedika ti didi diambu dinkiza baklistu kumanga nuana mvita? Ngete. Kibibila kintuba ti mu bilumbu bitu voti mu bilumbu bitsuka vala ba batu bala landakana malongi ma Yesu, ayi bala khambu nuana mvita.—Yesaia 2:2, 4.
Muingi wubuela zaba, tala kikhuku ki malongi kidi mu kibanga kinsungi kintuba “Buidi Nzambi kantadilanga mvita?”.
Thangu yiluelu yisiedi, Yave a “Nzambi yi ndembama,” wala sadila kintinu kiandi ki diyilu muingi kumanisa zi khuamusu ayi buphunha ”—Filipi 4:9; Minkunga 72:14.
Muingi wuzaba buidi mala salimina, tala video yidi ntu diambu ’Mbi kintinu ki Nzambi?
a Dizina di Nzambi Yave.—Minkunga 83:18.
Mba Ngie Wunkuiza Zola Mvandi
BA KEBA KEBA!
Mambu Binganga Badi mu Kuvanga mu Mvita wu Ucrânia—Mbi Kibibila Kintuba?
Mu zikhonzo zia ziwadi, zimfumu zi binganga badi mu bansadila kimfumu kiawu muingi kuvanga mambu mo Yesu kakamba minlandikini miandi babika vanga.
MALONGI MA KIBIBILA
Meka Ndongukulu’itu yi Kibibila
Baka ndongukulu yi Kibibila mu khambu futa mu kulonguka diambu dimueka dimueka.
