Mu zisabala zinkuiza, mu zitsi ziwombo, bankuiza sola mintinu mifueti yala mu zitsi beni. Batu badi mu kuyindula mfumu mbi bankuiza sola.

 Mbi Kibibila Kintuba?

 Kibibila kimmonisa mambu mawombo zimfumu zi luyalu balendi nunga ko kuvanga.

•   ‘Bika kufiatila mu zimfumu, ne woso mutu wunkaka, kibila bawu balendi kuvukisa ko. Bawu bammananga monyo ayi bamvutukanga mu ntoto; muna kilumbu beni, mayindu mawu moso mammananga.’—Minkunga 146:3, 4, nota.

 Kheti zimfumu zinkaka zi luyalu zimvanganga mambu mamboti, mvawu bala fua. Mvandi, tuisiko lufiatu ti ba kufua, batu bankuiza bavingana bala tatamana bisalu bawu batona.—Mpovi 2:18, 19.

 Kibibila kinsudikisa ti, Nzambi kasa vanga ko batu muingi bakiyalanga baveka.

•   ‘Mutu kasi ko nsua, ni kheti wu kutuadisa bitambi biandi.’—Yelemia 10:23.

 Vadi mutu wulenda kutu tuadisa mu phila yimboti mu bilumbu abibi?

 Kibibila kinsudikisa ti Nzambi wubieka mfumu wumueka tulenda fiatila. Mutu beni, Yesu Klistu. (Minkunga 2:6) Yesu nandi ntinu wu Kintinu ki Nzambi ayi tonina ku diyilu, kintinu beni kiala yadila ntoto. —Matai 6:10.

 Ngie wunkikinina Yesu kaba mfumu’aku? Kibibila kintuba ti nkinza beni kusola khonz’andi:

•    ‘Zitisanu muana [Yesu Klistu], muingi Nzambi kabika lufuemina, kibila na kulufuemina, benu luala fuila mu nzila, kibila nganzi’andi yinkuizilanga mu nsualu. Mayangi kuidi baboso bansuaminanga kuidi nandi.’—Minkunga 2:12.

 Ayiyi yawu thangu ngie fueti bakila makani. Zimbikudulu zi Kibibila zimmonisa ti Yesu wutona kuyala mu mvu 1914 ayi thangu yiluelu yisiedi, Kintinu ki Nzambi kiala vinginina mintinu mioso va ntoto. —Daniel 2:44.

 Muingi wubuela zaba buidi wulenda buedila mioko luyalu lu Yesu, tanga dilongi ‘Sola Kubuela Mioko Kintinu ki Nzambi Bubu!’