BA KEBA KEBA!
Batu mu Nza, Basiala bue Tumukina ko Beni Minsiku—Mbi Kibibila Kintuba?
Mangumba ma bankua matingu, mamana wala ku Haiti. Buphunya bumana lutila kitezu ku África do Sul, ku México ayi mu zitsi zinkaka zi América Latina. Kheti mu bibuangu bikhambulu beni buphunya, bo batu bankuwanga phila buphunya buidi bu kubuelimina, bambanga beni boma ayi bankuazukanga beni.
Mbi Kibibila kintuba matedi batu kumanga kutumukina minsiku?
Mbi Kibibila Kibikula Matedi Batu Kumanga Kutumukina Minsiku
Kibibila kibikula ti batu kumanga kutumukina, ‘kidi kidimbu ki tsukulu yi nza ayiyi.’ (Mat. 24:3) Bo Yesu kaba tubila mambu mala monisa ti ndizulu’andi yima fikama, nandi wutuba:
“Mu kibila ki mambu mambi mala buelama, luzolo lu batu bawombo luala dekuka.”—Mat. 24:12.
Kibibila kibikula mvandi ti, mu “bilumbu bitsuka . . . batu balasa zaba ko kukiyala, bala ba batu ba makhema, bala ba zimbeni zi mambu mamboti.” (2 Ti. 3:1-5) Zikhadulu aziozio zimbi, zimvanganga batu kumanga kutumukina.
Vayi mambu mala baluka. Kibibila kinkanikisa ti mu bilumbu binkuiza, batu bala ba kifu ki kutumukinanga minsiku.
‘Nkadu to wunkhambu, bankua mambi balasa bue zinga ko; Wela tala va kibuangu baba, Ayi bawu, balasa bue ba ko.’—Minku. 37:10, 11.
Buela longuka matedi tsangu yi Kibibila yimvana kivuvu ayi mona buidi kibila mbi wulenda bela lufiatu ti mambu tummona bubu mu nza, zidi zisundukulu zi zimbikudulu zi Kibibila. Tanga malongi manlanda.
“Você pode acreditar num futuro melhor”
“O que é o sinal dos “últimos dias” ou “fim dos tempos”?”
“Será que a Bíblia já falava como as pessoas iriam pensar e agir hoje?”