Mu kintanu, kilumbu 24, ngonda Yimuadi, mvu 2023, mvita ku Ucrânia wukotidi mu mvu wummuadi. Zipholo zimmonisa ti, nduka 300,000 di masodi ma Ucrânia ayi Rússia bafuidi ayi nduka 30,000 di batu bankaka bafuidi mu mvita beni. Vayi, zithalu aziozio zilenda buelama.

 Kiunda kuzati ti, mvita awowo wusi lenga mana ko.

•   Ni khonzu yimueka basi ko bakubama muingi kununga wawu ayi basinnunga ko kudedikisa mambu.”—NPR (National Public Radio), Kilumbu 19, Ngonda Yimuadi, mvu 2023.

 Batu bawombo mu nza, badi mu kiunda mu kumona phila mvita awowo ayi mambu mankaka, mantovudilaga batu bakhambu vanga ni diambu. Kivuvu mbi Kibibila kimvana? Bukiedika kuandi ti mimvita miela mana?

 Kibibila kintubila mvita wumueka, wala vukisa batu boso, kubika kuandi kuba bunga. Mvita beni bantedilanga wawu Alimangedoni, ayi wawu Kibibila kintedila ‘mvita wu Nzambi Nkua Ngolo Zioso.’ (Nzaikusu 16:14, 16) Mu nzila mvita awowo, Nzambi wala tulula mintinu mioso mi nza; kibila bawu bantuadisanga mimvita mimvondanga batu bawombo mu phamba. Muingi wumona buidi Alimangedoni yala tuadisila ndembama yi mvu ka mvu, tanga malongi manlanda:

•   “Mbi Kibibila Kintuba Matedi Mvita wu Alimangedoni?”

•   “Alimagedoni Yidi Tsangu Yimboti!”