Bo kaba va ntoto, Yesu wumonisa ti waba zolanga batu, diawu kavanina luzingu luandi muingi ku tukula. (Matai 20:28; Yoane 15:13) Nkadu to wunkambu, nandi wunkuiza bue tumonisina luzolo luandi mu kusadila kimfumu kadi mu kuba Ntinu mu Kintinu ki Nzambi, muingi ‘kumanisa mimvita mu nza yimvimba.’—Minkunga 46:9.

 Mona buidi Kibibila kinsudikisila mambu Yesu kala vanga:

•   ‘Nandi wala vukisa kiphumbulu kindinda lusalusu ayi mvandi mutu wu kikululanga ayi noso wukambulu mutu wu kunsadisa. Wala mona kiadi kiphumbulu ayi mutu wu kikululanga ayi wala vukisa biphumbulu. Nandi wala bavukisa mu buphunya ayi mu mioko mi batu ba kuba kuamisanga.’—Minkunga 72:12-14.

 Buidi tulenda monisina ti tumvutulanga matondo mu mambu Yesu ka tuvangila ayi mo kala vanga kuntuala? Mu Luka 22:19, Yesu wukamba minlandikini miandi muingi babambukilanga moyo lufua luandi. Kadika mvu, mu kiokiawu kilumbu Yesu kafua, Zimbangi zi Yave bankutananga. Diawu tu kutumisa muingi wuba yitu mu Mbambukulu Moyo lufua lu Yesu luala vangama mu Kilumingu, 24 Ngonda Yintatu, 2024.

Tomba kibuangu kiala vangimina Mbambukulu Moyo lufua lu Yesu