DILONGI 02
Kibibila Kituvana Kivuvu
Batu boso mu nza, bamviokilanga mu mambu maba tuadisanga kiunda ayi ziphasi. Ngie wumana viokila mu mawu? Ḿba ngie widi mu kutovuka beni mu kibila ki kimbevu voti widi mu kiunda ki lufua lu musi dikanda wunzolanga beni. Ayi mawu ma kuvanga kuyikuvusa: Bukiedika kuandi ti luzingu lu batu luala baluka? Kibibila kituvana mvutu wufuana wu kiuvu akiokio.
1. Kivuvu mbi Kibibila kituvana?
Kibibila kinsudikisa kibila mbi ziphasi zimana wadila va ntoto. Vayi kiawu mvandi, kituzabikisa tsangu yimboti ti nkadu kuandi to wusiedi mambu amomo mala mana. Mambu Kibibila kinkanikisa, malenda ‘kuvana kivuvu kimboti mu bilumbu binkuiza.’ (Tanga Yelemia 29:11-12.) Kibibila kitukanikisa ti tuala baka mayangi ma mvu ka mvu.
2. Mambu mbi Kibibila kinkanikisa?
Kibibila kinkanikisa ti kuntuala, ‘lufua lulendi buela ba ko, kiadi ki lufua kilendi buela ba ko, bidilu ayi ziphasi bilendi buela ba ko.’ (Tanga Nzaikusu 21:4.) Mambu mankaka mamvanganga batu kutovuka bubu, dedi: buphumbulu, mambi, bimbevu ayi lufua—bialasa bue ba ko. Kibibila kimmonisa ti kuntuala, batu bala zingila mu mayangi mvu ka mvu ku paladizu va ntoto.
3. Mbi fueti vanga muingi wuba lufiatu mu zikhanu zidi mu Kibibila?
Batu bawombo bamvingilanga mambu mamboti mamonika, vayi bawu basi ko lufiatu ti mambu beni malenda monika. Bukiedika Kibibila kinkanikisa mambu mamboti. Ayi befu tulenda ba lufiatu mu mambu Kibibila kintuba mu kufiongunina buboti masonoko. (Mavanga 17:11) Bo wunlonguka Kibibila, buawu wala buedila lufiatu mu mambu kiawu kinkanikisa mu matedi mambu mala monika kuntuala.
BUELA LONGUKA
Fiongunina mambu Kibibila kinkanikisa. Ayi tala, buidi zikhanu zidi mu Kibibila zinsadisilanga batu bubu.
4. Kibibila kitukanikisa luzingu lu mvu ka mvu mu khambu ziphasi
Tala va wanda mambu Kibibila kinkanikisa. Lukanu mbi ngie wumvingila mu mayangi? Kibila mbi?
Tanga Matangu madi va wanda mantubila mambu Kibibila kinkanikisa, ayi tubilanu biuvu binlanda:
-
Kivuvu mbi matangu amomo ma kuvana? Wummuena ti, mawu malenda tuadisa ndandu kuidi dikanda diaku ayi bakundi baku?
Wukiyindula kuzinga mu nza yo:
|
YELASA BA KO NI MUTU . . . |
BABOSO BALA . . . |
|---|---|
|
|
|
|
|
|
|
|
|
|
5. Ba lufiatu ti zikhanu zidi mu Kibibila ziala salama
Batu bawombo badi mu nganzi ayi kiunda mu kibila ki mambu maphasi bamviokilanga. Bawombo mu bawu bamvanganga mangolo muingi kuludika mambu va nza. Tala, buidi zikhanu zidi mu Kibibila, zinsadisilanga batu bawombo bubu. Tala VIDEO, bosi tubilanu biuvu binlanda:
-
Dedi bummonisina video, mambu mbi mabe tatisanga Rafika?
-
Kheti mambu beni masa mana ko, buidi Kibibila kinsadisila?
Befu kukikinina mambu Kibibila kintuba matedi bilumbu binkuiza, tuala nunga kiunda ayi tuala baka mayangi kheti mu mambu tuviokila. Tanga Zingana 17:22 ayi Loma 12:12, bosi tubilanu biuvu binlanda:
-
Bukiedika ti zikhanu zidi mu Kibibila zilenda balula luzingu luaku? Kibila mbi?
BATU BANKAKA BANTUBANGA: “Yinsikikinina ko ti mambu Kibibila kinkanikisa mala salama.”
-
Kibila mbi ngie veka fueti fiongunina bivisa bidi mu Kibibila?
MBI NGIE BELONGUKA
Kibibila kinkanikisa ti mu bilumbu binkuiza befu tuala baka luzingu lu mayangi.
Vutukila Mambu Mamfunu
-
Kibila mbi batu bafueti bela kivuvu?
-
Mambu mbi Kibibila kinlonga matedi bilumbu binkuiza?
-
Buidi kivuvu tuidi mu bilumbu binkuiza kilenda tusadisila bubu?
TALA MAMBU MANKAKA
Longuka buidi kivuvu kilenda kusadisila bo wumviokila mu mambu maphasi.
“Esperanca—Onde você pode encontra-la?” (Despertai!, 22 de Abril de 2004)
Bakula buidi kivuvu tuidi, mu bilumbu binkuiza kilenda sadisila batu badi mu kutovuka mu kibila ki kimbevu kingolo.
“Boti Kimbevu Kingolo Widi—Kibibila Kilenda Kusadisa?” (Dilongi didi mu jw.org)
Bo wuntala video ayiyi yi nkunga, wukiyindula ngie veka ayi dikanda diaku lunzingila mu mayangi ku paladizu, yo Kibibila kinkanikisa.
Tala buidi luzingu lu dibakala dimueka lubalukila, mu thangu kalonguka mambu Kibibila kinkanikisa mu bilumbu binkuiza.
“Não acho mais que preciso mudar o mundo” (A Sentinela, 1º de Julho de 2013)
