DILONGI 04
Nani Nzambi?
Tona va thonono, batu bansambilanga zinzambi ziwombo. Vayi Kibibila kintubila to Nzambi yimueka ‘wulutidi na zinzambi zioso zinkaka.’ (2 Lusansu 2:5) Nani Nzambi? Ayi kibila mbi nandi kalutidi na zinzambi zioso zinkaka batu bambuongiminanga? Nzambi wuntomba muingi ngie wulonguka matedi nandi. Mawu tuemmona mu dilongi adidi.
1. Dizina di Nzambi nani ayi mbi bimmonisa ti nandi wuntomba befu tuzaba dizina beni?
Mu Kibibila Nzambi wutu zabikisa nani nandi kadi. Nandi wutuba: ‘Minu yidi Yave. Adiodio diawu dizina diama.’ (Tanga Yesaya 42:5, 8.) “Yave” yidi tsekudulu yi dizina di Kiebeleo dinsundula, “Nandi kalenda vanga diosokua diambu katidi.” Yave wuntomba befu tuzaba dizina diandi. (Esodu 3:15) Buidi tulenda bela lufiatu mu mawu? Nandi wutula dizina adiodio mu Kibibila kuvioka 7.000 di zikhumbu! a Bawombo bantedilanga Nzambi, Nzambi voti bansadilanga zithangununu ziwombo zinkaka dedi Mfumu, Mvangi ayi Nkua Ngolo Zioso. Nzambi yikiedika wuvanga diyilu ayi ntoto, nandi to fueni kutambula dizina, Yave.—Deutelonomi 4:39.
2. Mbi Kibibila kintuba matedi Yave?
Batu bansambilanga zinzambi ziwombo. Vayi Kibibila kintuba ti Yave nandi to Nzambi yikiedika. Kibila mbi? Vadi bibila biwombo. Vasi ko mutu wulutidi lulendu kena Yave. Diawu, ‘Nandi to Wulutidi Zangama mu nza yimvimba.’ (Tanga Minkunga 83:18.) Nandi widi ‘Nkua Ngolo Zioso,’ kibila widi lulendu lu kuvanga mambu nandi kantomba. Mvandi nandi widi ‘Mvangi wu biuma bioso bidi ku diyilu ayi va ntoto.’ (Nzaikusu 4:8, 11) Yave, nandi to wunzinganga thangu ka thangu.—Minkunga 90:2.
BUELA LONGUKA
Longuka disuasana di zithangununu zi Nzambi ayi dizina diandi veka. Tala mvandi buidi Nzambi kazabikisila dizina diandi kuidi ngie ayi kibila mbi kavangila mawu.
3. Nzambi widi zithangununu ziwombo vayi dizina dimueka to
Vadi disuasana mu thangununu bantedilanga mutu ayi dizina diandi? Muingi kubaka mvutu, tala VIDEO, bosi tubilanu kiuvu kinlanda.
-
Vadi disuasana mu zithangununu bantedilanga mutu ayi dizina diandi?
Kibibila kintuba ti batu bansambilanga zinzambi ziwombo ayi zimfumu ziwombo. Tanga Minkunga 136:1-3, bosi tubilanu kiuvu kinlanda:
-
Nani ‘Nzambi yi zinzambi’ ayi ‘Mfumu yi zimfumu’?
4. Yave wuntomba ngie wuzaba ayi wusadila dizina diandi
Mbi bimmonisa ti Yave wuntomba ngie wuzaba dizina diandi? Tala VIDEO, bosi tubilanu kiuvu kinlanda.
-
Kibila mbi ngie wunyindudila ti Nzambi wuntomba batu bazaba dizina diandi?
Yave wuntomba batu basadilanga dizina diandi. Tanga Loma 10:13, bosi tubilanu biuvu binlanda:
-
Kibila mbi didi diambu dinkinza kusadilanga dizina di Nzambi, Yave?
-
Buidi ngie wummuenanga bo mutu ka kutedila mu dizina diaku?
-
Buabu, buidi Yave kambelanga bo ngie wunsadila dizina diandi?
5. Yave wuntomba ngie wuba nkundi’andi
Tala kifuani ki nkieto wumueka wunkalanga ku Camboja bantedilanga Soten. Nandi wutuba ti bo kazaba dizina di Nzambi ayi mbi diawu dinsundula, mawu mantuadisa mayangi makiedika tala VIDEO, bosi tubilanu kiuvu kinlanda.
-
Buidi luzingu lu Soten lubalukila bo kalonguka matedi dizina di Nzambi?
Muingi wuba nkundi wu mutu, theti fueti zaba dizina diandi. Tanga Yakobi 4:8a, bosi tubilanu biuvu binlanda:
-
Thumusunu mbi Yave ka kuvana?
-
Buidi kuzaba ayi kusadila dizina di Nzambi kulenda kusadisila kuluta ba nkundi’andi?
BATU BANKAKA BANTUBANGA: “Vadi Nzambi yimueka to diawu vasi’andi ko disuasana mu phila wukuntedila.”
-
Ngie wunkikinina ti dizina di Nzambi Yave?
-
Nzambi wuntomba batu basadilanga dizina diandi. Buidi wulenda sudikisila mawu kuidi mutu wunkaka?
MBI NGIE BELONGUKA
Yave didi dizina di Nzambi yikiedika. Nandi wuntomba muingi befu tuba bakundi bandi. Diawu nkinza beni kuzaba ayi kusadila dizina di Yave.
Vutukila Mambu Mamfunu
-
Kibila mbi Yave kadidi disuasana na zinzambi zioso zinkaka?
-
Kibila mbi tufueti sadilanga dizina di Nzambi?
-
Bivisa mbi bimmonisa ti Yave wuntomba muingi ngie wuba nkundi’andi?
TALA MAMBU MANKAKA
Tala bivisa bitanu bimmonisa ti Nzambi widi.
Tala kibila mbi tulenda kikinina ti Nzambi kasi ko thonono ayi mbanunu.
Longuka nkinza wu kusadila dizina di Nzambi kheti tusa zaba ko buboti buidi baba tanguninanga diawu mu thangu yikhulu.
“Nani Yave ayi Kibila mbi Dizina Diandi Didi Nkiza?” (Dilongi didi mu jw.org)
Vadi nkinza wu kutedila Nzambi mu dizina diandi? Tala kibila mbi tulenda tubila ti Nzambi widi dizina dimueka to.
a Muingi wubuela zaba matedi tsundu yi dizina di Nzambi ayi kibila mbi babotudila dizina adiodio mu bibibila binkaka tala Apêndice A4 mu Tradução do Novo Mundo da Bíblia Sagrada.
