DILONGI 05
Mu Kibibila Muidi Zitsangu zi Nzambi Kuidi Befu
Yave wutuvana nkhayilu wumueka wumboti beni, Kibibila. Mu Kibibila muidi 66 di zibuku. Ḿba ngie wulenda kuyikuvusa: ‘Kuidi Kibibila kifumina? Mayindu ma nani madi muna?’ Muingi tubaka mimvutu mi biuvu abiobio, tuemmona theti buidi Kibibila kitukila nati mu bilumbu bitu.
1. Boti batu basonika Kibibila, kibila mbi tuntubilanga ti kiawu kidi Diambu di Nzambi?
Nduka 40 di batu basonika Kibibila mu 1.600 di mimvu. Buku yitheti yisonimina mu mvu 1513 A.T.K. Ayi buku yitsuka yisonimina mu mvu 98 T.K. Bankaka mu batu basonika kiawu, baba minsungi mi mamemi, minlobi ayi mintinu. Mawu mammonisa ti batu basonika kiawu baba beni disuasana. Kheti bobo, Kibibila kioso kidi nguizani. Buidi malenda bela? Mawu malenda monika to kibila Kibibila kidi Diambu di Nzambi. (Tanga 1 Tesalonika 2:13.) Babakala beni basa tula ko mayindu mawu mu Kibibila. Vayi bawu ‘bayoluka bo badiatusu mu nzila phevi yinlongo.’ a (2 Petelo 1:21) Mu kusadila phevi’andi yinlongo, Yave wutuadisa babakala abobo muingi basonika mayindu mandi.—2 Timoteo 3:16.
2. Kuidi nani Nzambi kavana Kibibila?
Nzambi wuvana Kibibila kuidi batu ba ‘makanda moso, mimvila mioso ayi zimbembu zioso.’ (Tanga Nzaikusu 14:6.) Diawu Nzambi kavanina luaku muingi basekula Kibibila mu zimbembu ziwombo. Vasi ko buku yiluta sekulu kena Kibibila. Nduka batu boso mu nza balenda tanga zitsangu zidi mu Kibibila, kheti koso kuandi kuma bankalanga voti yoso kuandi mbembu bankolukanga.
3. Buidi Yave kakiebila Kibibila?
Kikaku kitheti, biuma basonikina Kibibila bikalanga ko nkulu muingi kuvavuka. Buabu, buidi Kibibila kitukila nati mu bilumbu bitu. Mawu mamonika kibila batu baba zolanga Kibibila, basekula kiawu khumbu ziwombo mu keba keba. Kikaku kinkaka kiba, batu bawombo bameka kutulula Kibibila, vayi Yave wukieba Diambu Diandi. Thangu zioso vambanga batu bantulanga luzingu luawu va kingela muingi kukieba Kibibila. Mawu mammonisa ti Diambu di Nzamb’itu ‘Dinkadidilanga mu thangu zioso.’—Yesaya 40:8.
BUELA LONGUKA
Bakula buidi Nzambi katuadisila batu muingi basonika Kibibila, buidi nandi kakiebila kiawu ayi mbi kavanga muingi batu boso babaka luaku lu kutanga Diambu Diandi.
4. Kibibila kituzabikisa nani Wuvuidi kiawu
Tala VIDEO. Bosi tanga 2 Timoteo 3:16, ayi tubilanu biuvu binlanda.
-
Boti batu basonika Kibibila, kibila mbi tuntubilanga ti kiawu kidi Diambu di Nzambi?
-
Ngie wunkikinina ti Nzambi wuzabikisa mayindu mandi kuidi batu va ntoto?
Nsoniki kalenda sonika mambu ba kunkamba kuidi mfumu’andi, kheti bobo mambu kansonika masi ko mandi veka, vayi ma mfumu’andi. Bobuawu mvandi, batu bawu basonika Kibibila. Vayi zitsangu zidi momo, Nzambi nandi wuvuidi ziawu
5. Batu bawombo bameka kutulula Kibibila vayi basa nunga ko
Boti Kibibila kidi buku yi Nzambi, buna vaba tombulu muingi nandi kakieba kiawu. Buviokila thangu, batu bawombo bameka kutulula Diambu di Nzambi. Zimfumu zi binganga, babasa zolanga ko muingi batu babaka Kibibila. Kheti mu mamoso bavanga, vaba batu bawombo batula luzingu luawu va kingela muingi kukieba buku ayoyo. Ndoko tuzaba wumueka mu babakala beni. Tala VIDEO, bosi tubilanu biuvu binlanda.
-
Bo mazaba mangolo moso bavanga muingi kukieba Kibibila, bukiedika ti mawu ma kubuela phuila yi kutanga kiawu? Kibila mbi?
Tanga Minkunga 119:97, bosi tubilanu kiuvu kinlanda:
-
Kibila mbi batu bawombo batudila luzingu luawu va kingela muingi kusekula ayi kukabula Kibibila?
6. Nzambi wuvana Kibibila kuidi batu boso
Kibibila yawu buku banluta sekulanga ayi kukabulanga mu nza yimvimba. Tanga Mavanga 10:34, 35, bosi tubilanu biuvu binlanda:
-
Kibila mbi Nzambi kantombila basekula ayi bakabula Diambu Diandi mu zimbembu ziwombo?
-
Mambu mbi wunluta kuitukilanga matedi Kibibila?
Nduka
Batu Boso
mu nza yimvimba
balenda tangila Kibibila mu mbembu bamvisanga
Kiawu kilenda tangu mu
3.000
di zimbembu
kuba kuandi kimvimba voti mu bitini
5.000.000.000
Yawu thalu bamana kabudila Kibibila,
vasi ko buku bamana kabudila mu phila ayoyo
BATU BANKAKA BANTUBANGA: “Kibibila kidi kuandi to buku yikhulu batu basonika.”
-
Buidi wummuena mawu?
-
Bivisa mbi bimmonisa ti Kibibila kidi Diambu di Nzambi?
MBI NGIE BELONGUKA
Kibibila kidi Diambu di Nzambi ayi nandi wukieba kiawu muingi baboso babaka luaku lu kutanganga kiawu.
Vutukila Mambu Mamfunu
-
Bo Kibibila kintuba ti Nzambi wutuadisa batu muingi basonika Kibibila, mbi mawu mansundula?
-
Diambu mbi di kuvanganga kukuituka mu matedi phila bansekudilanga ayi bankabudilanga Kibibila?
-
Buidi wumbelanga mu kuzaba ti Nzambi wuvanga mangolo muingi ka kuzabikisa Diambu Diandi?
TALA MAMBU MANKAKA
Tanga kinongu kintubila matedi zitsekudulu zi Kibibila tona zio baba vanganga mu thangu yikhulu nati zio bamvanganga bubu.
“Como a Bíblia chegou até nós” (Despertai!, Novembro de 2007)
Tala buidi Kibibila kitukila mu bilumbu bitu, kheti mu bikaku abibi bitatu
“Uma história que vale a pena conhecer” (A Sentinela, n.o 4 de 2016)
Tala ziphasi batu baviokila muingi banunga kusekula Kibibila.
Tona mu thangu yikhulu nati bubu, bamana sekula Kibibila khumbu ziwombo. Buidi tulenda bela lufiatu ti zitsangu zidi momo zisa baluka ko?
“Babalula Kibibila?” (Dilongi didi mu jw.org)
a Mu dilongi 07, tuala longuka ti phevi yinlongo madi mangolo Nzambi kansadilanga muingi kavanga luzolo luandi.
