DILONGI 06
Buidi Luzingu Lutonina?
‘Nzambi nandi tho yi luzingu.’ (Minkunga 36:9) Ngie wunkikinina mu mawu? Batu bawombo bankikininanga ti vasi ko mutu wuvanga luzingu. Boti mawu madi makiedika, buna befu boso tuyizila mu kinzimbukulu. Vayi boti Yave nandi wuvanga luzingu, buna vadi kibila kimboti nandi kavangila luawu a. Fiongunina mbi Kibibila kintuba matedi buidi luzingu lutonina ayi mona bibila mbi befu tuidi muingi kukikinina ti mawu madi makiedika.
1. Nani wuvanga diyilu ayi ntoto?
Kibibila kintuba: ‘Va thononu Nzambi wuvanga diyilu ayi ntoto.’ (Ngenesi 1:1) Batu bawombo ba luzabu bankikininanga ti biuma bioso bidi thonono. Vayi buidi Nzambi kavangila biawu? Nandi wusadila ‘mangolo mandi’ voti—phevi’andi yinlongo—muingi kuvanga biuma bioso bidi va nza. Wuvanga mvandi zimbuetila, ziplaneta ayi biuma bioso binkaka.—Ngenesi 1:2.
2. Kibila mbi Nzambi kavangila ntoto?
Yave ‘kasa vanga ko ntoto mu phamba vayi kavangila wawu muingi batu bazingila.’ (Yesaya 45:18) Nandi kavangila ntoto muingi wuba kibuangu kimboti ayi kifuana muingi batu bazingila. (Tanga Yesaya 40:28; 42:5.) Batu ba luzabu bantubanga ti ntoto widi disuasana na ziplaneta zinkaka. Kibila muawu to batu ayi biuma binkaka balenda zingila.
3. Kibila mbi batu badidi disuasana na bibulu?
Bo Yave kamana kuvanga ntoto, nandi wuvanga mvandi biuma bimvumukanga. Theti, nandi wuvanga bivatu biwombo ayi bibulu. Bosi, “Nzambi wuvanga dibakala mu kifuani kiandi.” (Tanga Ngenesi 1:27.) Kibila mbi batu badidi disuasana na bivangu binkaka? Kibila tuvangulu mu kifuani ki Nzambi ayi tulenda nunga kulandakana zikhadulu ziandi, dedi luzolo ayi busonga. Nzambi wutuvanga na diela di kulonguka zimbembu ziwombo, kukuituka bo tummona biuma bidi kitoko ayi kukuangalala bo tunkuwa minkunga mimboti. Mvandi befu tulenda buongimina Mvang’itu, vayi bibulu balendi nunga ko kuvanga mawu.
BUELA LONGUKA
Tuentubila mambu matatu. Ditheti, bivisa bimmonisa ti luzingu vangu lu vangu. Dimuadi, mambu Kibibila kintuba matedi bivangu madi makiedika. Dintatu, mbi tulenda longuka matedi Yave mu kutala zikhadulu batu badi.
4. Luzingu vangu lu vangu
Batu bantambulanga nzitusu, kibila bamvanganga biuma mu kulandakana kifuani ki bivangu bi Nzambi. Buabu, khanu nani widi nsua wu kutambula nzitusu beni? Tala VIDEO, bosi tubilanu kiuvu kinlanda.
-
Biuma mbi batu bamvanganga mu kulandudila kifuani ki bivangu bi Nzambi?
Kadika nzo yitungu kuidi mutu. Vayi nani wuvanga biuma bioso bidi ku diyilu ayi va ntoto? Tanga Ebeleo 3:4, bosi tubilanu biuvu binlanda:
-
Biuma bioso mu nza vangu bi vangu. Bivangu mbi bidi mu nza ngie wunkuitukilanga?
-
Ngie wunkikininanga ti biuma bioso bidi ku diyilu ayi va ntoto mutu wuvanga biawu? Kibila mbi wunyindudilanga abobo?
Ngie Zebi?
Ngie wulenda dengana bilongulu binkaka ayi zivideo ziwombo zintubila matedi mambu amomo mu jw.org mu malongi mantuba “Kimonikina mu Kinzimbukulu voti vangu ki vangu?” “Opiniões sobe a origem da vida.”
‘Kibila kadika nzo yitungu kuidi mutu vayi Nzambi nandi wuvanga biuma bioso’
5. Mambu Kibibila kintuba matedi bivangu, madi makiedika
Mu Ngenesi 1, Kibibila kintuba buidi bavangila ntoto ayi biuma bioso. Ngie wunkikininanga mu mawu? Voti wunyindulanga ti binongu abiobio bidi kuandi bi luvunu? Tala VIDEO, bosi tubilanu biuvu binlanda.
-
Bo Kibibila kintuba ti ntoto ayi biuma bioso bidi muawu bivangulu mu 6 di bilumbu, mbi mawu mansundula?
-
Ngie wunkikinina ti mambu Kibibila kintuba matedi bivangu madi tsundu? Kibila mbi wuntubila abobo?
Tanga Ngenesi 1:1, bosi tubilanu kiuvu kinlanda:
-
Batu bawombo ba luzabu bantubanga ti nza yimvimba ayi biuma bidi muawu kuvangu bivangu. Nguizani mbi mawu madi na mambu tuma tanga mu lutangu alulu?
Batu bankaka bankikininanga ti Nzambi wuvangila biuma mu kinzimbukulu. Tanga Ngenesi 1:21, 25, 27, bosi tubilanu biuvu binlanda:
-
Bukiedika kuandi ti Nzambi wuvanga kiuma kimueka kiluelu kiyiza kituka mfu, bosi bibulu ayi kuntuala biyiza kituka batu? Voti nandi veka wuvanga biuma bioso bidi moyo? b
6. Batu badi beni disuasana na bivangu binkaka bi Nzambi
Befu tuidi disuasana na bibulu Yave kavanga. Tanga Ngenesi 1:26, bosi tubilanu kiuvu kinlanda:
-
Batu bannunganga kumonisa luzolo ayi kiadi. Kibila tuvangulu mu kifuani ki Nzambi. Mbi mawu ma kutulonga matedi kimutu ki Nzambi?
BATU BANKAKA BANTUBANGA: “Mambu Kibibila kintuba matedi phila biuma bivangulu madi ma luvunu.”
-
Ngie wunkikinina mu mawu? Kibila mbi?
MBI NGIE BELONGUKA
Yave nandi wuvanga diyilu ayi ntoto na biuma bioso bidi moyo.
Vutukila Mambu Mamfunu
-
Mbi Kibibila kitulonga matedi buidi biuma bioso bivangulu?
-
Bukiedika kuandi ti Nzambi wuvangila biuma mu kinzimbukulu? Voti naveka wuvanga biuma bioso bidi moyo?
-
Kibila mbi batu badidi disuasana na bivangu binkaka bi Nzambi?
TALA MAMBU MANKAKA
Tala bifuani bidi mu nza bimmonisa ti vadi Mvangi biuma bioso.
Tala buidi matata balenda sudikisila kuidi bana bawu mbi Kibibila kintuba matedi bivangu.
Tala boti tulenda kikinina ti biuma bioso biyizila mu kinzimbukulu ayi yoyawu thangu kukikinina ti vangu bi vangu.
Batu bankaka bantubanga ti mimvesi mikhulu babakula ayi mambu batu ba luzabu bantubanga, mambuela mioko diyindu dintuba ti biabioso biyizila mu kinzimbukulu. Buidi ngie wummuena?
A origem da vida—Cinco perguntas que merecem resposta (brochura)
a Mu dilongi 25 tuala mona lukanu mbi Nzambi kadi mu batu.
b Mu Kibibila kikuma “ntindu” kinsundula mangumba ma biuma bimvumukanga.
