DILONGI 09
Fikama Nzambi mu Nzila Nsambu
Mana viokila mu diambu dimueka diaba tombulu wutambula malongi? Ngie widi biuvu mu luzingu luaku wuntombanga kubaka mimvutu? Widi mu kutomba mbombolo ayi lusalusu? Wuntomba kubuela fikama Yave? Nsambu wulenda kusadisa mu mambu moso amomo. Vayi phila mbi yifuana wufueti sambidilanga? Bukiedika ti Nzambi wunkuwanga minsambu mioso? Mbi wufueti vanga muingi Nzambi kayuwa minsambu miaku? Ndoku tumona mawu.
1. Kuidi nani tufueti sambilanga, ayi mambu mbi tulenda dinda?
Yesu wulonga ti tufueti sambilanga to kuidi Tat’itu ku diyilu. Mawu nandi kaba vanganga. Diawu katubila: “Tala phila lufueti sambidilanga: ‘Tat’itu widi ku diyilu . . . ’” (Matai 6:9) Befu kusambila kuidi Yave kinkundi kitu kuidi nandi kiala luta ba kingolo.
Befu tulenda sambila matedi dioso kua diambu. Vayi Nzambi, wala tambudila to minsambu midi nguizani na luzolo luandi. Alulu, luawu lufiatu tuidi mu Nzambi: “Befu kudinda dioso kua diambu didi kithuadi na luzolo luandi, nandi wala kutukuwa.” (1 Yoane 5:14) Yesu wuvana bifuani matedi mbi tulenda dinda mu nsambu. (Tanga Matai 6:9-13.) Bukiedika tulenda sambidila kuitu mu matedi mambu mitu, vayi tulendi zimbakana ko kunatanga bankaka mu minsambu, ayi kuvutulanga matondo kuidi Nzambi, mu mamoso katuvangilanga.
2. Buidi tufueti sambidilanga?
Mambu tuntuba mu nsambu mafueti kuizilanga mu ntima, diawu Kibibila kitukindisa “tuzibudilanga mintima mitu kuidi Nzambi.” (Minkunga 62:8) Tulenda sambila kuitu mu mbembu yinangama voti yivumbama voso kua vama tuidi ayi yoso kua thangu. Mvandi Nzambi kasa sikika ko phila tufueti bela bo tumvanga nsambu ngie wulenda kuaku ba wufukama, wukala ove wutelama.
3. Buidi Nzambi kantambudilanga minsambu mitu?
Nandi wumvangilanga mawu mu ziphila ziwombo. Dedi tulenda bakula mimvutu mi biuvu biwombo tuidi mu Kibibila. Kutanga diambu di Nzambi “[kulenda] vana diela kuidi mutu wuphamba.” (Minkunga 19:7; tanga Yakobi 1:5.) Yave mvandi kalenda vumbika mabanza mitu bo tumviokila mu ziphasi. Nandi kalenda sadila bisadi biandi ba tusadisa bo tuntomba lusalusu.
BUELA LONGUKA
Tala mbi fueti vanga muingi Nzambi katambudila minsambu miaku wumvangilanga mu ntima woso. Mona mvandi buidi nsambu wulenda kusadisila.
4. Mbi tufueti vanga muingi Nzambi kayuwanga minsambu mitu
Mambu mbi tufueti tuba muingi Nzambi kayuwanga minsambu mitu? Tala VIDEO.
Yave wuntomba, muingi befu tusambilanga kuidi nandi. Tanga Minkunga 65:2, bosi tubilanu biuvu binlanda:
-
Buidi wummuena, Yave wuntomba kukuwa minsambu miaku? Kibila mbi wunyindudila abobo?
Muingi Yave kayuwanga minsambu mitu tufueti zingila mu phila nandi kantombila. Tanga Mika 3:4; ayi 1 Petelo 3:12, bosi tubilanu kiuvu kinlanda:
-
Buidi tulenda bela lufiatu ti Yave wunkuiza yuwa minsambu mitu?
Ava mvita wutona zikhonzo zia ziwadi badi mu kusambila muingi banunga. Buidi wummuena, Nzambi wunkuiza tambudila minsambu miawu?
5. Tufueti vangilanga minsambu mitu mu ntim’itu woso
Batu bankaka bo bansambila bamvutukilanga momawu mambu balonguka tona thama. Vayi bukiedika kuandi ti mawu Nzambi kantomba? Tanga Matai 6:7, bosi tubilanu kiuvu kinlanda:
-
Mbi fueti vanga muingi “wubika kuvutukilanga momawu mambu” bo wunsambila?
Wulenda yindula matedi buidi Yave kabe kusadisila mu kilumbu, ayi kuntondila mu mawu. Ngie kuvanga mawu mu sambuadi di bilumbu buna musabala yimueka wela nunga kutubila sambuadi di mambu masuasana mu khambu vutukila momawu mambu bo wunsambila.
Matata mamboti banzolanga beni mu thangu bana bawu baku bazabikisa mabanza mawu. Bobuawu mvandi, Yave wunzolanga bo befu tukunzibudila mintima mitu
6. Nsambu widi nkhayilu wu Nzambi
Buidi nsambu wulenda kutu kindisila bulutidi bo tumviokila mu ziphasi? Tala VIDEO.
Kibibila kitukamba ti kusambila kulenda tusadisa kubaka ndembama yi ntima. Tanga Filipi 4:6, 7, bosi tubilanu biuvu binlanda:
-
Bukiedika, minsambu mialasa manisa ko mambu maphasi tumviokila, vayi kheti bobo, kibila mbi tufueti sambidilanga?
-
Mambu mbi ngie wuntomba kutubila mu minsambu?
Ngie Zebi?
Kikuma “amem” kinsundula “yinkikinina” voti “buawu kuandi.” Tona mu thangu yikhulu, baba sadilanga kikuma akiokio ku tsuka minsambu.—1 Lusansu 16:36.
7. Botulanga thangu muingi wusambila
Thangu zinkaka tumbanga mambu mawombo makuvanga ayi tunzimbakananga kusambila. Kibila mbi kusambila kubela nkinza kuidi Yesu? Tanga Matai 14:23 ayi Malako 1:35, bosi tubilanu biuvu binlanda:
-
Mbi Yesu kaba vanganga muingi kubaka thangu yi kusambila?
-
Mbi ngie wulenda vanga muingi wubaka thangu yi kusambila?
BATU BANKAKA BANTUBANGA: “Thangu yibobo kuandi tulenda viokisa mu kusambila kibila vasi ko mutu wutu kuwa.”
-
Buidi ngie wummuena?
MBI NGIE BELONGUKA
Befu kusambilanga mu ntima woso tulenda buela fikama Nzambi, ayi mawu malenda tuvana ndembama yi ntima ayi kutu buela mangolo tuntomba muingi kukuangidika Yave.
Vutukila Mambu Mamfunu
-
Kuidi nani tufueti sambila?
-
Buidi tufueti sambidila?
-
Buidi nsambu wulenda kutu sadisila?
TALA MAMBU MANKAKA
Baka mimvutu batu bankuvulanga beni matedi nsambu.
“Sete coisas que você precisa saber sobre oração” (A Sentinela, 1.º de Outubro de 2010)
Tala nkinza wu kusambila ayi mbi tulenda vanga muingi minsambu mitu miluta ba mimboti.
Kuidi nani tufueti sambila? Tala mbi Kibibila kintuba matedi kiuvu akikio.
“Yifueti Sambila Kuidi Bisadi bi Nzambi mu Thangu Yikhulu?” (Dilongi didi mu jw.org)
Bo wuntala nkunga wu video ayiyi, mona boti bamana sikika thangu ayi kibuangu tufueti sambidilanga.
