DILONGI 14
Mbi Tufueti Vanga Muingi Nzambi Kakikinina Mbuongimin’itu?
Dedi bo tumueni mu dilongi dibedi, Nzambi kakikininanga ko binganga bioso. Vayi befu tulenda buongimina Mvang’itu mu phila nandi kantombila. Ntindu mbi “mbuongimini [voti kinganga]” nandi kankikininanga? (Yakobi 1:27, nota) Ndoku tumona mbi Kibibila kinlonga.
1. Mbi bifueti tuadisa mbuongimin’itu kuidi Nzambi?
Kibibila kiawu kifueti tuadisa mbuongimin’itu kuidi Nzambi. Yesu wukamba Nzambi: “Kibila diambu diaku didi kiedika.” (Yoane 17:17) Binganga biwombo balandakananga ko mambu Kibibila kinlonga. Vayi banluta vuanga nkinza bikhulu biawu ayi malongi ma batu. Vayi Yave kakikininanga ko batu “bammanganga kutumukina minsiku miandi.” (Tanga Malako 7:9.) Vayi befu tunkuangalalanga beni kutumukina mambu Yave katukamba madi mu Kibibila.
2. Buidi tufueti buongimina Yave?
Tufueti buongimina to Yave kibila nandi Mvang’itu. (Nzaikusu 4:11) Diawu tulendi sadila ko bitumba, bisadi bi Yave mu thangu yikhulu voti batu bankaka mu mbuongimin’itu. Kibila Yave nandi to tufueti luta zola ayi kubuongimina.—Tanga Yesaya 42:8.
Mbuongimin’itu yifueti ba “yinlongo ayi yinkuangidika” Yave. (Loma 12:1) Mawu mansundula ti tufueti tumukina minsiku mi Nzambi. Dedi, batu banzolanga Yave bantumukinanga minsiku miandi matedi dikuela. Bawu mvandi bavanganga ko mambu dedi, kuvola zitsunga, kunua zitsunga zingolo voti kukoluanga malavu. a
3. Kibila mbi tufueti buongimina Yave va kimueka na batu bankaka?
Zikhutukunu zituvananga luaku lu ‘kukembisa Yave mu Kimvuka.’ (Minkunga 111:1, 2) Phila yimueka tulenda vangila mawu yidi mu kukuimbilanga minkunga kuidi Yave. (Tanga Minkunga 104:33.) Yave wutudinda muingi tuyendanga mu zikhutukunu kibila wutuzolanga beni ayi nandi zebi ti ziawu zilenda kutu sadisa kubaka luzingu lu mvu ka mvu. Bo tunkuendanga mu zikhutukunu, befu tuntambulanga khindusulu.
BUELA LONGUKA
Bakula kibila mbi Yave kakikininanga ko mbuongimini yi bitumba. Mona mvandi ziphila zilutidi tulenda kembisila Nzambi.
4. Tulendi sadila ko bitumba bo tumbuongimina Nzambi
Buidi tuzabidi ti Nzambi kazolanga ko muingi tusadila bitumba bo tuku buongimina? Tala VIDEO, bosi tubilanu kiuvu kinlanda.
-
Mu thangu yikhulu bisadi binkaka bi Nzambi bayedika kumbuongimina mu kusadila bitumba, mambu mbi bayiza monikina mu kibila akiokio?
Batu bawombo bantubanga ti kusadila bitumba kulenda buela kutu fikika kuidi Yave. Vayi bukiedika ti ayoyo yawu phila tufueti fikimina Yave? Tanga Esodu 20:4-6 ayi Minkunga 106:35, 36, bosi tubilanu biuvu binlanda:
-
Biuma mbi voti bitumba mbi mana mona batu kusadila muingi kubuongimina Nzambi?
-
Bukiedika ti Yave wunzolanga bo batu bansadilanga bitumba muingi kumbuongimina?
-
Buidi ngie wuntadilanga mbuongimini yi bitumba?
5. Kubuongimina to Yave kutu vukisanga mu malongi ma luvunu
Tala buidi kubuongimina to Yave mu phila nandi kantombila kulenda kutuvukisila mu malongi ma luvunu. Tala VIDEO.
Tanga Minkunga 91:14, bosi tubilanu kiuvu kinlanda:
-
Befu tummonisanga ti tunzolanga Yave bo tumbuongimina to nandi. Mbi nandi katu kanikisa befu kutatamana kuvanga mawu?
6. Befu tumbuongiminanga Nzambi mu zikhutukunu
Befu tunkembisanga Yave ayi tunkindisanga bankaka bo tunkuimbila minkunga voti bo tumvana mimvutu mu zikhutukunu. Tanga Minkunga 22:22, bosi tubilanu biuvu binlanda:
-
Ngie wunzolanga kukuwa mimvutu mi bankaka mu zikhutukunu?
-
Ngie wunzolanga kukubama muingi wuvana mvutu mu lukutukunu?
7. Yave wunkuangalalanga beni bo tunlonga bankaka mambu tunlonguka
Tulenda longa kiedika ki Kibibila kuidi bankaka mu ziphila ziviakana. Tanga Minkunga 9:1 ayi 34:1, bosi tubilanu kiuvu kinlanda:
-
Ngie malonguka mambu mawombo matedi Kibibila. Buabu, diambu mbi tidi kulonga bankaka?
BATU BANKAKA BANTUBANGA: “Tulenda buongimina Nzambi mu yoso kua phila. Vayi diambu dilutidi nkinza tufueti vangila mawu mu ntim’itu woso.”
-
Ngie wunkikinina mawu?
MBI NGIE BELONGUKA
Befu tunkuangidikanga Mvang’itu bo tumbuongimina to nandi, bo tukunkembisa mu zikhutukunu, ayi bo tunzabikisa bankaka mambu tunlonguka.
Vutukila Mambu Mamfunu
-
Buidi tulenda longukila kubuongimina Nzambi mu phila nandi kantombila?
-
Kibila mbi tufueti buongimina to Yave?
-
Kibila mbi tufueti buongimina Nzambi va kimueka na batu bankaka batidi kuvanga luzolo luandi?
TALA MAMBU MANKAKA
Mu kinongo “Não sirvo mais a ídolos” tanga kibila mbi nkieto wumueka kayiza bakila mayangi bo kabika kubuongiminanga bitumba.
“A Bíblia muda a vida das pessoas” (A Sentinela, 1.° de Julho de 2011)
Longuka mbi bilenda kusadisa kuvana mvutu mu zikhutukunu.
“Zitisa Yave Mu Kimvuka” (Kibanga ki Kinsungi, ki Ngonda Yitheti mvu 2019)
Kheti diba diambu diphasi kuidi muana ditoko wumueka kukuendanga ku nzo yi Kintinu tala buidi kuzola zikhutukunu zinsadisila kutatamana kukuendanga ku nzo yi kintinu.
Batu bawombo bankikininanga ti Baklisto bafueti sadilanga dikulusi. Mawu, madi makiedika?
“Kibila mbi Zimbangi zi Yave Basadilanga ko Dikulusu?” (Dilongi didi mu jw.org)
a Tunkuiza tubila mambu amomo mu dilongi dinlanda.
