DILONGI 16
Mambu Mbi Yesu Kavanga Bo Kaba Va Ntoto?
Batu bawombo bo bankua dizina Yesu, banyindulanga muana kilezi, mbikudi yi nduenga voti dibakala wenduka kufua. Vayi befu kulonguka matedi luzingu luandi bo kaba va ntoto, tunkuiza mona ti, vadi mambu mankaka tulenda longuka matedi nandi. Mu dilongi adidi tuemmona mambu mankinza Yesu kavanga, ayi buidi mawu malenda baludila luzingu luitu.
1. Kisalu mbi kiluta ba nkinza kuidi Yesu?
Kuidi Yesu, kisalu kiluta ba nkinza kiba ‘kusamuna zitsangu zimboti zi Nzambi.’ (Tanga Luka 4:43.) Zitsangu Yesu kaba longanga ziaba tubilanga matedi, Kintinu ki Nzambi kiala manisa mambu moso mambi tumviokilanga va nza. a Tala nota. Yesu wudukisa mimvu mitatu ayi ndambu mu kulonga batu tsangu yaba kuba vananga kivuvu.—Matai 9:35.
2. Kibila mbi Yesu kavangila mangitukulu?
Kibibila kintubila ‘mambu mawombo ma kukuitukila, mangitukulu, ayi bidimbu bio Nzambi kavangila mu mioko miandi voti [mi Yesu].’ (Mavanga 2:22) Mu mangolo Nzambi kamvana, Yesu wununga kulembika bivuka, kudikila bivevi na bivevi bi batu, kubelusa bimbevu ayi kuvulubusa bafua. (Matai 8:23-27; 14:15-21; Malako 6:56; Luka 7:11-17) Mangitukulu Yesu kavanga mammonisa ti Nzambi nandi wumfila. Mawu mvandi mamonisa ti Yave widi mangolo ma kumanisa mambu moso maphasi.
3. Mbi tulenda longuka mu phila Yesu kanatina luzingu?
Yesu waba tumukinanga Yave mu zithangu zioso. (Tanga Yoane 8:29.) Nandi wuvangila mawu mu luzingu luandi luoso, kheti bo kaviokila mu zithotolo. Ayi mvandi wumonisa ti batu balenda sadila Yave mu lukuikumunu kheti bo bamviokila mu ziphasi. Mu phila ayoyo ‘Yesu wutubikila kifuani muingi tulandakananga zitambi ziandi.’—1 Petelo 2:21.
BUELA LONGUKA
Tala buidi Yesu kasamunina zitsangu zimboti ayi kavangila mangitukulu.
4. Yesu waba samunanga zitsangu zimboti
Yesu wudiata zikilometro ziwombo di malu, muingi kulonga zitsangu zimboti kuidi batu bawombo. Tanga Luka 8:1, bosi tubilanu biuvu binlanda:
-
Bukiedika ti Yesu wabe samunanga to batu baba kuendanga kuidi nandi?
-
Mangolo mbi Yesu kabe vanganga muingi kuedengana batu?
Nzambi wubikula ti Mesia wunkuiza samunanga zitsangu zimboti. Tanga Yesaya 61:1, 2, bosi tubilanu biuvu binlanda:
-
Buidi mbikudulu ayoyo yisalimina mu Yesu?
-
Mu mbuenu’aku batu bubu bafueti kuwa zitsangu zimboti?
5. Yesu wulonga mambu mawombo mankinza
Kubotula kuandi to kusamuna zitsangu zi Kintinu, Yesu wuvana mvandi malongi mamboti. Tala mua mambu nandi kalonga, mu dilongi kavangila va mbata mongu. Tanga Matai 6:14, 34 ayi 7:12, bosi tubilanu biuvu binlanda:
-
Malongi mbi mamboti Yesu kavana mu matangu amomo?
-
Mu mbuenu’aku, malongi amomo malenda sadisa batu bubu?
6. Yesu wuvanga mangitukulu
Yave wuvana Yesu mangolo ma kuvanga mangitukulu mawombo, tala kifuani kimueka, tanga Malako 5:25-34 voti tala VIDEO. Bosi tubilanu biuvu binlanda.
-
Nkieto awowo wuba kimbevu lufiatu mbi kaba?
-
Diambu mbi ngie beluta zola mu mangitukulu amomo?
Tanga Yoane 5:36, bosi tubilanu kiuvu kinlanda:
-
Mbi mangitukulu Yesu kavanga ‘mammonisa’ matedi nandi?
Ngie Zebi?
Nduka mamoso tuzebi matedi Yesu madi masonama mu zibuku—Matai, Malako, Luka, ayi Yoane. Buboti beni kuzaba ti kadika mutu mu bawu wusonika mambu mo makhambu monika mu zibuku zinkaka. Ayi befu kubunda mambu moso amomo tulenda nunga kuvisa buboti luzingu lu Yesu bo kaba va ntoto.
-
MATAI
Yawu buku yitheti basonika. Tulenda mona muna molongi Yesu kalonga mantubila beni Kintinu ki Nzambi.
-
MALAKO
Mu zibuku zioso zintubila matedi luzingu lu Yesu, yawu buku yilutidi yikhufi, muawu muidi mambu mawombo ma kukuitukila.
-
LUKA
Yimmonisa ti kuidi Yesu nsambu wuba diambu dinkinza beni. Ayi yimmonisa mvandi buidi Yesu kaba tadilanga bakieto.
-
YOANE
Yimmonisa masolo Yesu kaba banga na bakundi bandi ayi batu bankaka. Buku ayoyo yitusadisa kumona zikhadulu zi Yesu.
BATU BANKAKA BANTUBANGA: ‘Yesu kasi ko Muana Nzambi, wuba kuandi to mutu wumboti.’
-
Buidi ngie wummuena?
MBI NGIE BELONGUKA
Yesu wusamuna zitsangu zi Kintinu ki Nzambi, wuvanga mangitukulu, ayi wutumukina Yave mu mamoso.
Vutukila Mambu Mamfunu
-
Kisalu mbi kiluta ba nkinza kuidi Yesu bo kaba va ntoto?
-
Mbi mangitukulu Yesu kaba vanganga mammonisa?
-
Malongi mbi mamboti Yesu kavana?
TALA MAMBU MANKAKA
Mambu mbi Yesu kaba luta zolanga kutuba?
“Por que o Reino de Deus é importante para Jesus” (A Sentinela, 1.º de Outubro de 2014)
Tala kibila mbi tulenda bela lufiatu ti mangitukulu Yesu kavaga mamonika.
“Os milagres de Jesus —o que pode aprender deles?” (A Sentinela, 15 de Julho de 2004)
Tanga matedi buidi luzingu lu dibakala dimueka lubalukila bo nandi kalonguka buidi Yesu kaba tadilanga batu bankaka.
“Eu pensava apenas em mim mesmo” (A Sentinela, 1.º de Outubro de 2014)
Tala mambu malutidi nkinza Yesu kavanga mu ndandasani mawu mamonikina.
a Tuala buela tubila matedi Kintinu ki Nzambi, mu malongi 31-33.
