DILONGI 17

Phila Mutu Mbi Yesu Kadi?

TATIKA

Bo tulonguka mambu Yesu katuba ayi kavanga bo kaba va ntoto, tunkuiza bakula zikhadulu ziandi zimboti. Mawu mankuiza tusadisa kubuela kumfikama ayi kufikama mvandi Tat’andi Yave. Zikhadulu mbi Yesu kadi? Ayi buidi tulenda landikinina kifuani kiandi mu luzingu luitu?

1. Mu phila mbi Yesu kadidi buka Tat’andi Yave?

Yesu wuzinga na Tat’andi ku diyiku, mafunda na mafunda ma mimvu ayi wulonguka mawombo kuidi nandi. Diawu Yesu kanyindudilanga ayi kamvangilanga mambu mu phila yi Yave. (Tanga Yoane 5:19.) Bukiedika, Yesu wunlandakananga zikhadulu zi Tat’andi mu phila yisulama. Diawu nandi katubila: “Woso mutu wumbueni, mueni Tata.” (Yoane 14:9) Bo wunluta longuka matedi zikhadulu zi Yesu, buawu mvandi wunluta longukila matedi zikhadulu zi Yave. Dedi, kumona phila Yesu Kaba zodilanga batu, matumonisa ti Yave mvandi wukuzolanga beni.

2. Buidi Yesu kamonisina ti wunzolanga Yave?

Yesu wutuba: “Muingi nza yizaba ti, yinzolanga Tata yimvangilanga mambu mu phila Tata kathumina.” (Yoane 14:31) Bo kaba va ntoto Yesu wumonisa ti wunzolanga beni Tat’andi, mu kuntumukina mu mamoso kheti mawu mabe sundula kuviokila mu ziphasi. Ayi mvandi Yesu wabe zolanga kuzabikisa batu bankaka matedi Tat’andi ayi kuba sadisa baba kikundi na Nzambi—Yoane 14:23.

3. Buidi Yesu kamonisina ti wunzolanga batu?

Kibibila kintuba ti Yesu ‘wabe luta zolanga beni bana ba batu.’ (Zingana 8:31, nota) Yesu wummonanga batu boso kiadi, nandi waba tadilanga batu mu phila yimueka. Ayi mvandi wabe bombanga bankaka ayi wuba wukubama muingi kuba sadisa. Mangitukulu kavanga masimmonisa ko to mangolo nandi kadi, vayi mammonisa ti nandi wummonanga batu kiadi (Malako 1:40-42) Mambu kalonga mamvana mbombolo ayi kivuvu kuidi batu badi mintima mikuikama. Yesu wuba wukubama muingi kumona phasi ayi kufua mu kibila ki batu kabe zolanga, vayi wunluta zolanga batu bantumukinanga mambu nandi kalonga.—Tanga Yoane 15:13, 14.

BUELA LONGUKA

Buela zaba zikhadulu Yesu kadi. Tala mvandi, buidi wulenda landikinina kifuani ki Yesu mu kumonisina luzolo ayi kuba nkua kukaba dedi nandi.

4. Yesu wunzolanga Tat’andi

Kifuani ki Yesu ki tulonga buidi tulenda monisina ti tunzolanga Nzambi. Tanga Luka 6:12 ayi Yoane 15:10; 17:26. Bo mummana kutanga kadika lutangu tubilanu kiuvu kinlanda:

Buidi tulenda landikinina kifuani ki Yesu mu kumonisina luzolo tuidi mu Yave?

Yesu waba zolanga beni Tat’andi ayi waba kolukanga yandi mu nzila nsambu

5. Yesu wabe vuanga nkinza batu babe tombanga lusalusu

Yesu wabe luta vuanga nkinza zitsatu zi bankaka kena zitsatu ziandi. Nandi wabe sadilanga thangu’andi ayi mangolo mandi muingi kusadisa bankaka kheti bo kaba banga wuvonga. Tanga Malako 6:30-44, bosi tubilanu biuvu binlanda:

Mu ziphila mbi Yesu kamonisina ti waba vuanga batu nkinza?—Tala matangu 31, 34, 41, ayi 42.
Kibila mbi Yesu kaba tombilanga kusadisa batu? —Tala lutangu 34.
Tube mona ti Yesu waba landakananga zikhadulu zi Tat’andi, mbi mawu matulonga matedi Yave?
Mu ziphila mbi tulenda landikinina kifuani kiandi mu kuvuanga nkinza bankaka?

6. Yesu nkua kukaba

Kheti Yesu kasa ba ko beni mbakulu vayi nandi wukabila bio kaba kuidi bankaka. Nandi wutukindisa muingi befu mvitu tuvanganga mawu. Tanga Mavanga 20:35, bosi tubilanu kiuvu kinlanda:

Dedi bummonisina matangu amomo mbi bilenda kutu tuadisa manyangi?

Tala VIDEO, bosi tubilanu kiuvu kinlanda.

VIDEO: ‘Manyangi Malutidi Kuidi Mutu Wumvananga Bika ti Kuidi Wuntambulanga’—Kitini (4:00)

Kheti tuisi ko beni mbakulu, buidi tulenda bela batu ba nkua kukaba?

Ngie Zebi?

Kibibila ki tulonga tusambilanga kuidi Yave mu dizina di Yesu. (Tanga Yoane 16:23, 24.) Befu kuvanga mawu tummonisa ti tumvuanga nkinza mambu Yesu katuvangila mu kutu sadisa tuba bakundi ba Yave.

BATU BANKAKA BANTUBANGA: “Nzambi kavuang’andi ko nkinza ziphasi befu tumviokila.”