DILONGI 18

Buidi Wulenda Bakudila Baklisto Bakiedika?

TATIKA

Bivevi na bivevi bi batu bantubanga ti badi Baklisto. Vayi bawu bakikininanga ko mu mambu mamueka, ayi bakikininanga ko mu mambu Kibibila kinlonga. Buabu, buidi tulenda bakudila Baklisto bakiedika?

1. Mbi binsundula kuba Baklisto bakiedika?

Baklisto badi minlandikini mi Yesu. (Tanga Mavanga 11:26.) Buidi bawu bammonisinanga mu mavanga mawu ti badi minlandikini mi Yesu? Yesu wutuba: “Benu kusimbidila malongi mami, buna luidi minlandikini miami mikiedika.” (Yoane 8:31) Mawu mansundula ti Baklisto bakiedika bafueti sadila mambu Yesu kalonga. Kibibila kiawu kituadisa mambu moso Yesu katuba ayi kavanga, mawu mvandi Baklisto bakiedika bafueti vanga.—Tanga Luka 24:27.

2. Buidi Baklisto bakiedika bafueti monisina lozolo?

Yesu wukamba minlandikini miandi: “Luzolasananga benu na benu dedi bo minu yiluzodila.” (Yoane 15:12) Buidi Yesu kamonisina ti waba zolanga minlandikini miandi? Nandi waba viokisanga yawu thangu, wuba bomba, wuba sadisa ayi wuvana luzingu luandi mu kibila kiawu. (1 Yoane 3:16) Dedi Yesu, Baklisto bakiedika bammonisinanga luzolo bika to mu thubulu vayi mu mavanga mawu ayi mu zikhadulu ti banzolasananga bawu na bawu.

3. Kisalu mbi Baklisto bakiedika bamvanganga?

Yesu wuvana kisalu kuidi minlandikini miandi. “Muingi benda samuna zitsangu zi Kintinu ki Nzambi.” (Luka 9:2) Baklisto bakiedika mu sekulu yitheti basa samuninanga ko to mu bibuangu baba buongimininanga vayi mu bibuangu bioso babe dengananga batu ayi mu nzo ka nzo. (Tanga Mavanga 5:42; 17:17.) Bobuawu mvandi bubu, Baklisto bakiedika banlonganga kiedika ki Kibibila mu bibuangu bioso bidi batu. Bamvangilanga mawu kibila banzolanga beni badi yawu ayi banyangalalanga beni mu thangu bansadila mangolo ayi thangu’awu muingi kulonga zitsangu zi Kibibila zimvananga kivuvu ayi mbombolo.—Malako 12:31.

BUELA LONGUKA

Tala phila tulenda bakudila disuasana didi mu Baklisto bakiedika na batu bantubanga ti badi Baklisto vayi balandakananga ko malongi ayi kifuani ki Yesu.

4. Bawu bamfionguninanga kiedika ki Kibibila

Baklisto batheti mu thangu yikhulu baba kinzikanga diambu di Nzambi

Batu bawombo bantubanga ti badi Baklisto bakiedika vayi bavuanga ko nkinza kiedika ki Kibibila ayi basadilanga ko kiawu mu luzingu luawu. Tala VIDEO, bosi tubilanu kiuvu kinlanda.

VIDEO: Buidi Luvunu Lubaludila Kiedika (5:11)

Buidi binganga biwombo bankikininanga mu Klisto bavekukila mu khambu landakana mambu Yesu kalonga?

Yesu wulonga kiedika kidi mu diambu di Nzambi. Tanga Yoane 18:37, bosi tubilanu kiuvu kinlanda:

Mu matedi mambu Yesu katuba, buidi tulenda “zabila Baklisto bakiedika”?

5. Bawu banlonganga kiedika ki Kibibila

Baklisto batheti mu thangu yikhulu baba kinzikanga diambu di Nzambi, baba longanga bankaka ayi baba zolanasanga bawu na bawu

Ava kenda ku diyilu, Yesu wuvana kisalu kuidi minlandikini miandi bakhidi vanganga nati bubu. Tanga Matai 28:19, 20 ayi Mavanga 1:8, bosi tubilanu kiuvu kinlanda:

Nati kitesu mbi kisalu ki kusamuna kiala vangimina?

6. Bawu bansadilanga mambu banlonganga

Mbi bisadisa dibakala dimueka bantedilanga Tom kuvisa ti wubakula kinganga ki kiedika? Tala VIDEO, bosi tubilanu biuvu binlanda.

VIDEO: Yilembu Kuvuanga Nkinza Binganga (5:20)

Dedi bo bemuena mu video mbi bivanga Tom kudasukila binganga?
Bivisa mbi nandi kaba muingi kuzaba ti wubakula kiedika?

Bulutidi nkinza mambu tumvanga kena mo tuntuba. Tanga Matai 7:21, bosi tubilanu kiuvu kinlanda:

Diambu mbi diluta ba dinkinza kuidi Yesu. —Mambu tuntuba ti tunkikininanga voti phila tunnatina luzingu luitu mu matedi mambu kibibila kintuba?

7. Bawu banzolasananga bawu na bawu

Baklisto batheti mu thangu yikhulu baba zolanasanga bawu na bawu

Bukiedika ti Baklisto bakiedika bantulanga luzingu luawu va kingela muingi kukieba zikhomba ziawu? Tala VIDEO, bosi tubilanu biuvu binlanda.

VIDEO: Balutidi Badi Kukhonzo’itu Kena Zimbeni Zitu (2:55)

Dedi bummonisina video, mbi bivanga yaya Loidi kutula luzingu luandi va kingela muingi kukieba yaya Johanson?
Buidi ngie wummuena mambu nandi kavanga, mammonisa khadulu yi Baklisto bakiedika?

Tanga Yoane 13:34, 35, bosi tubilanu biuvu binlanda:

Mu phila mbi minlandikini mi Yesu voti (Baklisto bakiedika) bafueti tadila batu badi nkanda nyitu miviakana voti mimvila minkaka?
Buidi Baklisto bakiedika balenda vangila mawu mu thangu mimvita?

BATU BANKAKA BANTUBANGA: “Batu bantubanga ti badi baklisto banluta vanganga mambu mambi diawu vasi ko tsundu bawu kutuba ti badi mu kinganga kikiedika”