DILONGI 19
Zimbangi Zi Yave Bawu Baklisto Bakiedika?
Zimbangi zi Yave badi lufiatu ti bawu to Baklisto bakiedila. Kibila mbi? Tunkikininanga mu mawu kibila befu to tunnatanga dizina dinlongo di tusuasisa na binganga binkaka ayi tummonisanga luzolo befu na befu.
1. Mbi bintuadisanga mambu Zimbangi zi Yave bankikininanga?
Yesu wutuba: ‘Diambu di [Nzambi] didi kiedika.’ (Yoane 17:17) Dedi Yesu Zimbangi zi Yave bamfiatilanga mu mambu Kibibila kintuba. Tala kinongu kimonika va thonono sekulu 19 bo mua dingumba di minlonguki mi Kibibila batona kufiongunina mambu Kibibila kinlonga. Bawu bayiza visa ti malongi mawombo ma binganga masa ba ko nguizani na malongi ma Kibibila. Buawu batona kusamuna batu mambu babakula. a
2. Kibila mbi batutedilanga Zimbangi zi Yave?
Yave wuntedilanga bisadi biadi Zimbangi, kibila bawu to bantubanga kiedika matedi nandi. (Ebeleo 11:4–12:1) Dedi, mu thangu yikhulu Nzambi wukamba bisadi biandi: “Benu muidi zimbangi ziama.” (Tanga Yesaya 43:10.) Yesu bakuntedilanga “Mbangi yikuikama.” (Nzaikusu 1:5) Tonina mu mvu 1931 tutambula dizina di Zimbangi zi Yave. Luidi luaku lunneni kunata dizina adiodio.
3. Buidi Zimbangi zi Yave bammonisinanga luzolo dedi lu Yesu?
Yesu wabe zolanga beni minlandikini miandi ayi bawu bayiza ba dedi basi dikanda diandi. (Tanga Malako 3:35.) Bobuawu mvandi, Zimbangi zi Yave badi beni kithuadi bawu na bawu ayi badi dikanda dimueka mu nza yimvimba. Mu kibila akiokio tukitelasananga zikhomba. (Filemo 1, 2) Befu mvitu tuntumukinanga nsiku wu ‘Kuzola zikhomba zitu zioso.’ (1 Petelo 2:17) Zimbangi zi Yave bammonisinanga luzolo mu ziphila ziwombo, dedi bansadisanga zikhomba ziawu zioso bantomba lusalusu.
BUELA LONGUKA
Buela longuka matedi kinongu ki Zimbangi zi Yave ayi mona bivisa biwombo bimmonisa ti bawu to badi Baklisto bakiedika.
Kibibila kiawu kintuadisanga mambu Baklisto bakiedika bankikininanga
4. Kibibila kiawu kintuadisanga mambu tunkikininanga
Yave wubikula ti kiedika ki Kibibila kiala zabakana beni. Tanga Danieli 12:4 ayi nota, bosi tubilanu kiuvu kinlanda:
-
Mbi biala buelama va khati tsika dikabu di Yave bo bantatamana kufiongunina Kibibila?
Mona buidi mua dingumba di minlonguki mi Kibibila, na Yaya Charles Russell, bafiongunina Kibibila. Tala VIDEO, bosi tubilanu kiuvu kinlanda.
-
Mu video tube mona, buidi yaya Charles Russell ayi batu baba fionguninanga yandi Kibibila, balongukila Kibibila?
Ngie Zebi?
Thangu zinkaka vantombuluanga kubalula phila tumvisilanga mambu. Kibila mbi? Kibila muinda wu kiedika wunkiezukanga nkadu nkadu, ayi Nzambi wunzabikisanga to kiedika ki Kibibila mu thangu yifuana. (Tanga Zingana 4:18.) Kheti Kibibila kibalukanga ko, vayi befu tunludikanga phisulu’itu mu mambu tuvisanga mu Kibibila.
5. Befu tunzingilanga mu tsundu yi dizina ditu
Kibila mbi tutambudila dizina Zimbangi zi Yave? Tala VIDEO, bosi tubilanu kiuvu kinlanda.
-
Kibila mbi dizina Zimbangi zi Yave didi difuana kuidi befu?
Kibila mbi Yave kasodila batu muingi baba Zimbangi ziandi? Kibila bawu banzabikisanga ti nadi to widi Nzambi yikiedika, kheti bawombo bantubanga luvunu matedi Nzambi. Fiongunina mambu muadi ma luvunu bawombo bantubanga matedi Nzambi.
Zimfumu ziwombo zi binganga bantubanga ti Nzambi kantomba batu basadila bitumba mu mbuongimini’awu. Vayi tanga Levitiku 26:1, bosi tubilanu biuvu binlanda:
-
Bukiedika ti mambu amomo madi makiedika? Buidi Yave kammuenanga bo batu bansadilanga bitumba muingi kumbuongimina?
Zimfumu ziwombo zi binganga banlonganga ti Yesu widi Nzambi. Vayi, tanga Yoane 20:17, bosi tubilanu biuvu binlanda:
-
Bukiedika ti mambu amomo madi makiedika? Nzambi ayi Yesu badi mutu wumueka?
-
Diyindu mbi ngie widi bo mazaba ti Yave wumfilanga Zimbangi ziandi muingi basamuna kiedika kitedi nandi ayi Muan’andi?
6. Tunzolasananga befu na befu
Kibibila kindedikisa Baklisto bakiedika buka binama bi nyitu bidi beni kithuadi. Tanga 1 Kolinto 12:25, 26, bosi tubilanu biuvu binlanda:
-
Mbi Baklisto bakiedika bamvanganga mu thangu bammona zikhomba ziawu kumonikina ziphasi?
-
Mbi ngie mana mona mu phila Zimbangi zi Yave bammonisinanga luzolo bawu na bawu?
Bo wumueka mu Zimbangi zi Yave kamviokila mu dioso kua diambu dikuntuadisa ziphasi voti mu bivuka, zikhomba ziwombo bakivananga mu nsualu muingi bavana lusalusu. Muingi wuvisa mawu, tala VIDEO. Bosi tubilanu kiuvu kinlanda.
-
Buidi Zimbangi zi Yave bammonisinanga luzolo bawu badi?
Baklisto bakiedika bammonisanga luzolo mu woso kuandi mutu wuntomba lusalusu
BATU BANKAKA BANTUBANGA: “Zimbangi zi Yave kidi kuandi kinganga kimmona.”
-
Tona thangu mbi Yave kantedilanga bisadi biandi Zimbangi ziandi?
MBI NGIE BELONGUKA
Zimbangi zi Yave badi Baklisto bakiedika. Dikanda ditu didi ditembakana mu nza yimvimba, tumfiatilanga mu malongi ma Kibibila ayi tunsamunanga kiedika kitedi Yave.
Vutukila Mambu Mamfunu
-
Kibila mbi tuididi dizina Zimbangi zi Yave?
-
Buidi tukitadilanga befu na befu?
-
Mu ngie Zimbangi zi Yave badi Baklisto bakiedika?
TALA MAMBU MANKAKA
Buela longuka matedi kinongu kitu.
Zimbangi zi Yave —Bammonisanga Kiminu Kingolo, Kitini 1: Babotuka ku Kitombi (1:00:53)
Tala kifuani kimmonisa buidi Zimbangi zi Yave, bazabikisila malongi ma luvunu binganga banlonganga.
Baka mimvutu mi biuvu bioso ngie wuntombanga kuzaba matedi Zimbangi zi Yave.
“Biuvu Banluta Kuvulanga Beni Matedi Zimbangi zi Yave” (Dilongi didi mu jw.org)
Stefen waba monanga beni khenene batu ba mimvila minkaka. Mona mbi nandi kabakula mu Zimbangi zi Yave mamvanga kubalula luzingu luandi.
“Minha vida ia de mal a pior” (A Sentinela, 1.º de Julho de 2015)
a Tonina mu mvu 1879 tumbasisanga Kibanga ki Nsungi kinyamikisanga kiedika ki Kibibila.
