DILONGI 32

Kintinu ki Nzambi Kimana Tona Kuyala!

TATIKA

Kintinu ki Nzambi kidi mu kuyala ku diyilu tona mu mvu 1914. Ayi tona mu mvu beni tsukulu yi luyalu lu batu yitona. Buidi tuzabidi mawu? Kibila zimbikudulu zi Kibibila zitubila matedi mambu mankuiza monika va nza ayi zikhadulu batu bankuiza ba. Mambu moso amomo matona kumonika tona mu mvu 1914.

1.Mbi Kibibila kibikula matedi luyalu lu Kintinu ki Nzambi?

Buku yi Danieli yibikula ti, Kintinu ki Nzambi kiela tona kuyala kutsuka thangu bantedilanga “thangu sambuadi.” (Danieli 4:16, 17) Ayi mimvu miwombo kuntuala, Yesu wutuba matedi thangu beni dedi “thangu yi bapakanu,” vayi mawu masa sundula ko ti, yiba tsukulu yi thangu yi bapakanu. (Luka 21:24). Dedi bo tunkuiza muena, thangu beni yimanina mu mvu 1914.

2.Tona mu mvu 1914, mbi bimmonikanga ayi zikhadulu mbi batu badi?

Minlandikini mi Yesu banyuvula: “Thangu mbi mambu beni mela monika ayi kidimbu mbi kiela monisa phutukulu’aku ayi tsukulu yi nza?” (Matai 24:3) Bo kavana mvutu, Yesu wubikula mambu mawombo mala monika ava nandi katona kuyala ku diyilu. Zimbikudulu beni ziaba tubila matedi mimvita, kukhambu ku bidia ayi zindikununu zintoto. (Tanga Matai 24:7.) Kibibila kibikula ti mu kibila ki zikhadulu zimbi zi batu “mu bilumbu bi tsuka,” luzingu lunkuiza ba “beni phasi.” (2 Timoteo 3:1-5) Ayi tummonanga bivisa ti mambu beni matona mu mvu 1914.

3.Kibila mbi ziphasi zibuelimina tona Kintinu ki Nzambi kitona kuyala?

Bo Yesu katona kuyala mu Kintinu ki Nzambi, nandi wunuanisa Satana ayi zimbasi zimbi. Vayi Satana kasa nunga ko. Kibibila kintuba “banlonza va ntoto va kimueka ayi zimbasi ziandi.” (Nzaikusu 12:9, 10, 12) Satana wudasuka beni kibila zebi ti wunkuiza bungu. Nandi widi fotu mu ziphasi zioso tumviokilanga. Mawu ma tusadisa kuvisa kibila mbi ziphasi zisabidi va ntoto. Vayi Kintinu ki Nzambi kiala manisa ziphasi zioso zidi va ntoto..

BUELA LONGUKA

Fiongunina kibila mbi tuzabidi ti Kintinu ki Nzambi kitona kuyala mu mvu 1914 ayi mbi mawu mansundula mu befu.

4. Bivisa bi Kibibila bimmonisa ti Kintinu ki Nzambi kitona kuyala mu mvu 1914

Tala VIDEO.

VIDEO: Kintinu ki Nzambi Kitona Kuyala mu Mvu 1914 (5:02)

Yave wuvanga muingi Nebukadenesali ntinu Babiloni kalota ndosi yi mambu mayiza monika. Ayi mambu Danieli kabangula mu Kibibila matedi ndosi beni ma tusadisa kuvisa ti yawu yaba tubila matedi luyalu lu Nebukadenesali ayi mvandi matedi Kintinu ki Nzambi.—Tanga Danieli 4:17. a

Tanga Danieli 4:20-26, bosi sadilanu quadro muingi mubaka mimvutu mi biuvu binlanda:

(A) Mbi Nebukadenesali kamona mu ndosi?—Tala matangu 20 ayi 21.
(B) Mbi bimonikina nti?—Tala lutangu 23.
(C) Mbi bimonika ku tsuka “thangu sambuadi”?—Tala lutangu 26.

Buidi ndosi yitedi nti yididi kithuadi na Kintinu ki Nzambi

MBIKUDULU (Danieli 4:20-36)

Kintinu

(A) Nti wunneni

Bazenga nti wunneni ayi bavuakika kisengu

(B) “Bazenga nti” ayi vavioka “thangu sambuadi”

Bavutula luyalu

(C) “Kintinu kiala vutuka kuidi ngiewu”

Tsundu yitheti yi mbikudulu . . .

(D) Nani bamfuanikisa nti wunneni? —Tala lutangu 22.
(E) Buidi bavunzikisila luyalu luandi? —Tanga Danieli 4:29-33.
(F) Mbi bimonikina Nebukadenesali bo “thangu sambuadi” yivioka? —Tanga Danieli 4:34-36.

TSUNDUKULU YITHETI

Kintinu

(D) Nebukadenesali, ntinu wu Babiloni

Bazenga nti wunneni ayi bavuakika kisengu

(E) Bo mvu 606 A.T.K yivioka Nebukadenesali wuvunzuka ntu ayi mu sambuadi di mimvu kasa ba ko wufuana muingi kuyala

Bavutula luyalu

(F) Nebukadenesali wuvutuka mu kimutu kiandi ayi wubue tona kuyala

Tsundu yimuadi yi mbikudulu . . .

(G) Nani bamfuanikisa nti wunneni? —Tanga 1 Lusansu 29:23.
(H) Buidi bavunzikisila luyalu luandi? Buidi tuzabidi ti luyalu beni lutatamana luvunzakana nati thangu Yesu kaba va ntoto? —Tanga Luka 21:24.
(I) Thangu mbi ayi vama mbi bavutudila kutsikika luyalu beni?

TSUNDUKULU YIMMUADI

Kintinu

(G) Mintinu mi basi Isaeli baba kuba fuanikisanga banga Kintinu ki nzambi

Bazenga nti wunneni ayi bavuakika kisengu

(H) Batulula Yelusalemi ayi bavunzikisa luyalu lu mintinu miyizila mu nkunu wu Davidi mu 2.520 di mimvu

Bavutula luyalu

(I) Yesu wutona kuyala ku diyilu mu Kintinu ki Nzambi

Mbi binsundula thangu sambuadi?

Matangu mankaka ma kibibila ma tusadisanga kuvisa matangu mankaka. Dedi, mu buku yi Nzaikusu yintubila matedi thangu zitatu ayi ndambu zinsundula 1.260 di bilumbu. (Nzaikusu 12:6, 14) Diawu “thangu sambuadi” yidi khumbu wadi mu thalu 1.260 voti (1.260x2) di bilumbu. Mu khumbu wadi beni yinkuiza dedimina 2.520 di bilumbu. Kibibila thangu zinkaka kinsadilanga kilumbu muingi kutubila mimvu. (Yehezekeli 4:6) Diawu, sambuadi di zithangu bantubila mu buku yi Danieli yidi yidedakana na 2.520 di mimvu.

5. Nza yibaluka tona mu mvu 1914

Tala VIDEO.

VIDEO: Nza Yibaluka Tona mu Mvu 1914 (1:10)

Yesu wubikula mambu mala monika va nza mu thangu kala tona kuyala. Tanga Luka 21:9-11, bosi tubilanu kiuvu kinlanda:

Mu mambu Yesu kabikula mbi ngie wumana kuwa voti kumona?

Mvuala Polo wutubila matedi zikhadulu batu bala ba mu bilumbu bitsuka. Tanga 2 Timoteo 3:1-5, bosi tubilanu kiuvu kinlanda:

Mavanga mbi, wummonanga mu batu bubu bantubila mu matangu?

6. Kintinu ki Nzambi ki tukindisanga

Tanga Matai 24:3, 14, bosi tubilanu biuvu binlanda:

Kisalu mbi kinkinza kimmonisa ti, Kintinu ki Nzambi kimana tona kuyala?
Buidi ngie wulenda buedila mioko kisalu beni?

Kintinu ki Nzambi kitona kuyala ku diyilu ayi nkadu to wunkhambu kiala yala ntoto woso. Tanga Ebeleo 10:24, 25, bosi tubilanu kiuvu kinlanda:

Mu kuzaba ti “kilumbu beni kidi mu kuefikamanga,” mbi kadika mutu mu befu kafueti vanga?

Ngie kulonguka mambu malenda vukisa bankaka, mambu mbi wunkuiza vanga?

ABU MUTU NA KUKUVULA: “Kibila mbi Zimbangi zi Yave bamvuilanga beni nkinza mvu 1914?”

Mvutu mbi nkuiza vana?

MBI NGIE BELONGUKA

Zimbikudulu zi Kibibila ayi mambu madi mu kumonika va nza, mammonisa ti Kintinu ki Nzambi kimana tona kuyala. Tummonisanga ti tuma vuanga nkinza bo tunlonga bankaka ayi tunlandakananga zikhutukunu.