DILONGI 33
Mbi Kintinu ki Nzambi Kiala Vanga?
Kintinu Ki Nzambi kitona kuyala. Nkadu to wunkambu kiawu kinkuiza ludika mambu va ntoto. Tuemmona mua mambu Kintinu ki Nzambi kiala vanga.
1.Buidi Kintinu ki Nzambi kiala tuadila ndembama ayi busonga va ntoto?
Yesu Ntinu mu Kintinu ki Nzambi, wala bunga mintinu mioso mi luyalu ayi baboso badi ku khonzu’awu. (Nzaikusu 16:14, 16) Bo thangu beni yala fuana, zikhanu zioso zidi mu Kibibila ziala salama. Kibila ‘Nkadu to wunkhambu, bankua mambi balasa bue zinga ko.’ (Minkunga 37:10) Mu nzila Kintinu ki Nzambi, Yesu wala tuala ndembama ayi busonga va ntoto.—Tanga Yesaya 11:4.
2.Buidi luzingu luala bela mu thangu lukanu lu Nzambi luala vangama va ntoto?
Mu nzila Kintinu ki Nzambi, “basonga bala tambula ntoto banga kiuka ayi bala zingila muna mu zithangu zioso.” (Minkunga 37:29) Wukiyindula kuzingila ku nza yimona, yala ba busonga, batu boso bala zolasananga ayi bulutidi bala ba luzolo mu Yave. Valasa ba ko mutu wumbela, befu boso tuala zinga mvu ka mvu.
3.Bo bankua mambi bala bungu, mbi Kintinu ki Nzambi kiala vanga?
Bo bankua mambi bala bungu, Yesu wala yala ntoto mu 1.000 di mimvu. Mu thangu beni, nandi ayi 144.000 di batu bala yala yandi bala sadisa batu boso muingi baba bavedila. Ayi kutsuka luyalu beni, ntoto woso wala ba paladizu ayi batu boso bantumukinanga zithuadusulu zi Yave bala ba mu mayangi. Bosi Yesu wala vutula luyalu kuidi Tat’andi Yave. Ayi “dizina di Yave diala ba dinlongo.” (Matai 6:9, 10) Ayi mawu mala tusadisa kumona ti Yave wu tuvuanga nkinza ayi wunkiebanga batu boso badi kutsi luyalu luandi. Bosi Yave wala bunga Satana, ziphevi zimbi ayi batu boso bala sola kubalukila luyalu luandi. (Nzaikusu 20:7-10) Mu nzila Kintinu ki Nzambi, tuala zingila va ntoto mu mayangi mvu ka mvu..
BUELA LONGUKA
Mona kibila mbi tulenda bela lufuatu ti Nzambi wala sadila Kintinu kiandi, muingi kudukisa zikhanu zioso zidi mu Kibibila.
4. Kintinu ki Nzambi kiala bunga mintinu mioso mi nza
“Mutu wunyadilanga bankaka muingi kuba tuadisa ziphasi.” (Mpovi 8:9) Mu nzila Kintinu kiandi, Yave wala manisa ziphasi zioso mintinu mi nza bantuadisanga.
Tanga Danieli 2:44 ayi 2 Tessalonika 1:6-8, bosi tubilanu biuvu binlanda:
-
Mbi Yave ayi Muan’andi Yesu bala vangila mintinu mi nza ayi batu badi ku khonzu’awu?
-
Buidi mambu widi mu kulonguka ma kuvanina bivisa ti Yave ayi Yesu bala yadila mu busonga ayi mukhambu luvasanu?
5. Yesu widi Ntinu wulutidi mu mintinu mioso
Yesu Ntinu mu Kintinu ki Nzambi, wala sadisa batu mu ziphila ziwombo. Tala VIDEO muingi wumona buidi Yave ayi Yesu bantombila kusadisila batu ayi kudukisa lukanu badi mu batu.
Mangitukulu Yesu kavanga bo kaba va ntoto, matusadisa kuzaba mambu Kintinu ki Nzambi kiala vanga. Lusakumunu mbi ngie bemona mu video wuntomba kutambula? Tanga mu Kibibila ayi mona lusakumunu loso tuala tambula.
|
BO YESU KABA VA NTOTO . . . |
TONA KU DIYILU, YESU WALA . . . |
|---|---|
|
|
|
|
|
|
|
|
6. Kintinu ki Nzambi kiala tuala lusakumunu luwombo
Kintinu ki Nzambi kiala dukisa lukanu Yave kaba mu batu tona vana thonono. Batu boso bala zinga mvu ka mvu ku paladizu va ntoto. Tala VIDEO muingi wumona buidi Yave kadi mu kusadila va kimueka na Muan’andi muingi kudukisa lukanu luandi.
Tanga Minkunga 145:16, bosi tubilanu kiuvu kinlanda:
-
Buidi wummuena mu kuzaba ti Yave “wala dukisa zitsatu zi batu boso”?
BATU BANKAKA BANTUBANGA: “Befu kusadila mu kithuadi, tunkuiza manisa ziphasi zioso va nza.”
-
Mbi mintinu mi nza banunganga ko kuvanga, vayi Kintinu ki Yave kiala vanga?
MBI NGIE BELONGUKA
Kintinu ki Nzambi kiala dukisa lukanu lu Nzambi. Kiala balula ntoto woso paladizu muingi batu boso bambuongiminanga Yave bazinga mvu ka mvu.
Vutukila Mambu Mamfunu
-
Buidi Kintinu ki Nzambi kiala zitisila dizina di Yave?
-
Kibila mbi tulenda bela lufiatu ti Kintinu ki Nzambi kiala dukisa zikhanu zioso zidi mu Kibibila?
-
Mambu mbi Kintinu kiala vanga ngie wuntomba kumona?
TALA MAMBU MANKAKA
Bakula mbi binsundula Alimangedoni.
“Mbi Bio Mvita wu Alimangedoni?” (Dilongi didi mu jw.org)
Mona mbi Yesu kala vanga mu luyalu luandi lu 1.000 di mimvu ayi bo luawu luala mana.
“O que acontecerá no Dia do Julgamento?” (A Sentinela, 1 de Setembro de 2012)
Mona buidi makanda balenda botudila thangu muingi bayindula lusakumunu Kintinu ki Nzambi kiala tuala.
Mona buidi “dibakala dimueka waba kuazukanga beni mu biuvu biwombo kaba”, kabakudila mimvutu mi biuvu biandi.
“A Bíblia muda a vida das pessoas” (A Sentinela, 1 de Janeiro de 2012)
