DILONGI 31
Mbi Kintinu ki Nzambi?
Kibibila kinluta tubila matedi Kintinu ki Nzambi. Yave wunkuiza sadila Kintinu kiandi muingi kubalula ntoto paladizu ayi kudedikisa lukanu kaba tona vana thonono. Mbi Kintinu ki Nzambi? Buidi tuzabidi ti kiawu kidi mu kuyala bubu? Mbi Kintinu beni kidi mu kuvanga bubu? Mbi kiawu kiala vanga mu bilumbu binkuiza? Dilongi adidi ayi ma mamuadi manlanda mankuiza vana mimvutu mi biuvu abiobio.
1. Mbi Kintinu ki Nzambi ayi nani Ntinu mu Kintinu beni?
Kintinu ki Nzambi luidi luyalu naveka Yave katsikika ku diyilu. Yesu nandi Ntinu mu Kintinu beni ayi wala yadila ntoto tona ku diyilu. (Matai 4:17; Yoane 18:36) Kibibila kintuba matedi Yesu: “Nandi wela ba Ntinu mu zithangu zioso.” (Luka 1:32, 33) Mu kuba Ntinu mu Kintinu ki Nzambi nandi wala yala ntoto woso.
2. Nani wala yala na Yesu?
Yesu kasinkuiza yala ko ntoto naveka. Batu ba “mimvila mioso, zimbembu zioso ayi makanda moso . . . bala yadila ntoto woso.” (Nzaikusu 5:9, 10) Batu bakua bala yala na Yesu? Tona Yesu kayiza va ntoto, bivevi na bivevi bi batu bambakanga makani ma kuba minlandikini miandi. Vayi bukiedika ti baboso bala yala yandi ku diyilu? Ndamba. Vayi 144.000 to di baklisto basolu bala yala na Yesu ku diyilu ayi bala tuadisa ndandu kuidi batu boso bala zinga va ntoto. (Tanga Nzaikusu 14:1-4.) Baklisto bankaka bala zinga va ntoto, bala ba kutsi luyalu lu Kintinu beni.—Minkunga 37:29.
3. Kibila mbi Kintinu ki Nzambi kilutidi na mintinu mioso mi nza?
Khumbu zinkaka mintinu mi luyalu bantombanga kuvanga mambu mamboti. Vayi bawu basi ko lulendu lu kuvaga mambu moso bantomba. Kheti balenda vingisa ntinu wunkaka, banunganga ko, kibila bawombo mu bawu bantadilanga to zitsatu ziawu ayi basi ko mayindu ma kusadisa bankaka. Vayi Ntinu wu Kintinu ki Nzambi, Yesu balasa mvinginina ko kuidi ntinu wunkaka. Nzambi yi diyilu wala tsikika kintinu kialasa bungu ko.” (Danieli 2:44) Yesu wala yadila ntoto wumvimba mu khambu luvasanu. Kibila nandi widi zikhadulu dedi: luzolo, mamboti ayi busonga. Nandi wala longa batu boso baba zikhadulu zio nandi kadi.—Tanga Yesaya 11:9.
BUELA LONGUKA
Mona kibila mbi Kintinu ki Nzambi kilutidi na mintinu mioso mi nza.
4. Ntinu widi beni lulendu, wala yadila ntoto woso
Mu mintinu mioso mi nza, Yesu nandi wulutidi lulendu. Tanga Matai 28:18, bosi tubilanu biuvu binlanda:
-
Disuasana mbi didi, luyalu lu Yesu na zimfumu zi nza?
Kadika ntinu wunyadilanga tsi’andi. Vayi bukiedika ti mawu mvandi mala monika mu luyalu lu Yesu? Tanga Daniel 7:14, bosi tubilanu biuvu binlanda:
-
Kibila mbi didi diambu dimboti kuzaba ti Kintinu ki Nzambi “kialasa bungu ko”?
-
Kibila mbi didi diambu dinkinza kuzaba ti Kintinu beni kiala yala ntoto woso?
5. Mintinu mioso mi nza miala bungu
Kibila mbi Kintinu ki Nzambi kiala bungila mintinu mioso mi nza? Tala VIDEO, bosi tubilanu kiuvu kinlanda.
-
Mambu mbi mammonikanga mu luyalu lu mintinu mi nza?
Tanga Mpovi 8:9, bosi tubilanu kiuvu kinlanda:
-
Mu mbuenu’aku, bukiedika ti vadi bibila muingi Kintinu ki Nzambi kuvinginina mintinu mioso mi nza? Sudikisa
6. Mu Kintinu ki Nzambi muidi minyadi batu vuanga nkinza
Yesu Klisto Ntinu’itu, wuzinga va ntoto. Nandi “wumvisanga ziphasi zitu.” (Ebeleo 4:15) Yesu wala yala to na 144.000 di babakala ayi bakieto bakuikama basolu mu phevi yinlongo. Bawu bayizila “mu mimvila mioso, zimbembu zioso ayi makanda moso.”—Nzaikusu 5:9.
-
Ngie wumbakanga mbombolo mu kuzaba ti, Yesu ayi batu bala yala yandi ntoto bamvisanga ziphasi zioso tumviokilanga? Kibila mbi?
Yave wusola babakala ayi bakieto muingi bayala na Yesu ku diyilu
7. Kintinu ki Nzambi kidi minsiku milutidi
Mintinu mi nza bamfondanga minsiku muingi kukieba batu badi kutsi luyalu luawu. Bobuawu mvandi, Kintinu ki Nzambi kidi minsiku baklisto bafueti landakana. Tanga 1 Kolinto 6:9-11, bosi tubilanu biuvu binlanda:
-
Mu mbuenu’aku, buidi nza yala bela bo batu boso bala landakananga to zithuadusulu zi Yave? a
-
Buidi wummuena, bukiedika ti Yave widi bibila muingi kudinda bisadi biandi batumukina minsiku beni? Kibila mbi?
-
Mbi bimmonisa ti batu bakhambu tumukinanga minsiku amiomio balenda baluka?—Tala lutangu 11.
Zimfumu zi luyalu bamfondanga minsiku muingi kukieba ayi kutuadisa ndandu kuidi batu. Vayi minsiku mi Kintinu ki Nzambi milutidi kena minsiku mi zimfumu zi nza
ABU MUTU NA KUKUVULA: “Mbi Kintinu ki Nzambi?”
-
Mvutu mbi wulenda vana?
MBI NGIE BELONGUKA
Kintinu ki Nzambi kidi ki kiedika. Kiawu kidi ku diyilu ayi kiala yala ntoto woso.
Vutukila Mambu Mamfunu
-
Nani ntinu mu Kintinu ki Nzambi?
-
Kibila mbi Kintinu ki Nzambi kilutidi na mintinu mioso mi nza?
-
Mbi Yave kantomba muingi bisadi biandi bavanga?
TALA MAMBU MANKAKA
Tala mambu Yesu kalonga matedi Kintinu ki Nzambi.
“Kintinu ki Nzambi Kidi Kiuma Kidi mu Khati Ntim’itu?” (Dilongi didi mu jw.org)
Kibila mbi Zimbangi zi Yave badidi to bakuikama mu Kintinu ki Yave?
Fiongunina mbi Kibibila kintuba matedi 144.000 di batu Yave kasola muingi bayala na Yesu.
“Batu Boso Bala Kuenda ku Diyilu?” (Dilongi didi mu jw.org)
Mbi bisadisa nkieto wumueka mu buloku kuba lufiatu ti Nzambi to wulenda tuala busonga mu nza?
“Minha busca por um mundo sem injustiça” (Despertai!, Novembro de 2011)
