DILONGI 36
Tubanga Kiedika mu Mambu Moso
Befu boso tuntombanga kubaka bakundi bantubanga kiedika. Bobuawu mvandi Yave wuntomba bakundi bandi batubanga kiedika. Vayi disi ko diambu diluelu kuvanga mawu mu nza ayiyi yidi beni batu banzolanga kuvuna. Ndandu mbi tunkuiza baka befu kuba kifu ki kutubanga kiedika?
1. Kibila mbi tufueti tubilanga kiedika?
Bo tuntuba kiedika tummonisanga kuidi Yave ti, tukunzolanga ayi tukunkinzikanga. Tebuka moyo ti, Yave zebi mambu moso tunyindulanga ayi tumvanganga. (Ebeleo 4:13) Tumbikanga Yave mu mayangi bo tunsola kutubanga kiedika mu mambu moso. Befu tuzebi ti, “Yave widi kimbeni na nkua luvunu, vayi widi kikundi kifikama na batu basonga.”—Zingana 3:32.
2. Buidi tulenda monisina ti tuidi batu bantubanga kiedika?
Yave wuntomba “tutubanga kiedika befu na befu.” (Zakalia 8:16, 17) Mbi mawu mansundula? Bo tunkoluka na dikanda ditu, batu bansalanga yitu, voti bankotanga yitu kikola, zikhomba zitu zi kiphevi ayi zimfumu zi luyalu, tulendi bavuna ko. Batu bantubanga kiedika, bavunanga ko voti batubanga ko luvunu muingi kuyituadisa ndandu. (Tanga Zingana 24:28 ayi Efeso 4:28.) Ayi mvandi bamfutanga ziphaku. (Loma 13:5-7) Mu mambu amama ayi mankaka tufueti ba “batu bantubanga kiedika.”—Ebeleo 13:18.
3. Ndandu mbi tuala baka mu kutubanga kiedika?
Befu kuba bazabakana banga batu bantubanga kiedika, bankaka bala tufiatila. Befu kuvanga mawu, tunkuiza tuadisa nsika va dikanda ayi mu kimvuka. Mvandi tunkuiza ba kilunzi kidiodila. Befu kuba kifu ki kutubanga kiedika “tunkuiza sadisa bankaka bakinzikanga malongi ma Mvulus’itu Nzambi” ayi tunkuiza vanga bankaka kuba phuila yi kusadila Yave.—Tito 2:10.
BUELA LONGUKA
Mona buidi kutubanga kiedika kulenda kuangidikila ntima wu Yave ayi ku kutuadisa ndandu. Mvandi mona buidi wulenda bela kifu ki kutubanga kiedika mu mambu moso.
4. Kutubanga kiedika kunkuangidikanga Yave
Tanga Minkunga 44:21 ayi Malaki 3:16, bosi tubilanu biuvu bilanda:
-
Kibila mbi yisi ko mbonosono yi nduenga kukikinina ti tulenda sueka kiedika?
-
Mu mbuenu’aku, buidi Yave Nzambi kammuenanga befu kusola kutuba kiedika kheti didi diambu diphasi kuvanga mawu?
Matata bambanga beni mu mayangi bo muan’awu kadi kifu ki kutubanga kiedika. Bobuawu mvandi, befu kutubanga kiedika tunkuiza bika Yave mu mayangi.
5. Tubanga kiedika mu mambu moso
Bawombo bantubanga: Vasi ko tsundu kutubanga kiedika mu mambu moso. Vayi fiongunina kibila mbi didi diambu dinkinza kutubanga kiedika mu mambu moso. Tala VIDEO.
Tanga Ebeleo 13:18, bosi tubilanu buidi tulenda bela batu bantubanga kiedika . . .
-
Va dikanda ditu.
-
ku kisalu voti ku kikola.
-
mu mambu mankaka.
6. Tumbakanga ndandu mu kutubanga kiedika
Thangu zinkaka kutuba kiedika kulenda tutuadisa ziphasi. Vayi kheti bobo, madi makani malutidi nkinza tulenda baka. Tanga Minkunga 34:12-16, bosi tubilanu kiuvu kinlanda:
-
Buidi kutubanga kiedika kulenda tutuadisila ndandu mu luzingu?
-
Kutubanga kiedika kulenda sadisa nnuni ayi nkazi kukindisa dikuela diawu.
-
Ku kisalu batu bantubanga kiedika baku bafiatilanga kuidi zimfumu ziawu.
-
Zimfumu zi luyalu bankinzikanga beni batu bantubanga kiedika.
BATU BANKAKA BANTUBANGA: “Disi kuandi ko disumu kutubanga thangu zinkaka mua luvunu.”
-
Kibila mbi wididi lufiatu ti Yave wummonanga khenene batu bantubanga luvunu?
MBI NGIE BELONGUKA
Yave wuntomba bakundi bandi batubanga kiedika mu mambu moso.
Vutukila Mambu Mamfunu
-
Mu ziphila mbi tulenda bela batu bantubanga kiedika?
-
Kibila mbi yisi ko mbonosono yi nduenga kukikinina ti tulenda sueka kiedika?
-
Kibila mbi ngie wuntombila kutubanga kiedika mu mambu moso?
TALA MAMBU MANKAKA
Buidi matata balenda longila bana bawu kutubanga kiedika?
Ndandu mbi tumbakanga bo tundukisa mambu tukanikisa?
Fiogunina kibila mbi tufueti futila ziphaku kheti basi nkuiza sadila ko buboti zimbongo beni.
“Você deve pagar impostos?” (A Sentinela, 1 de Setembro de 2011)
Mbi bisadisa dibakala dimueka wuba kifu ki kuvuna kubalula luzingu luandi ayi kutona kutubanga kiedika?
“Aprendi que Jeová é misericordioso e perdoador” (A Sentinela, 1 de Maio de 2015)
