DILONGI 40
Buidi Tulenda Bela Batu Badiodila va Meso ma Nzambi?
Ngudi widi luzolo, ava kanata muan’andi mu kikola nandi theti wumfiongunina boti muana bekobila ayi boti bikhutu biandi bidi bidiodila. Kuvanga mawu mankuiza monisa kuidi bankaka ti bawu bankiebanga buboti muan’awu. Bobuawu mvandi Tat’itu yi luzolo Yave kantomba befu tuba badiodila—mu nyitu ayi mu mayindu. Boti tuidi batu badiodila, befu veka tunkuiza baka ndandu ayi tunkuiza vana nzitusu kuidi Yave.
1. Buidi tulenda bela badiodila mu nyitu?
Yave wutu kamba ti: ‘Lufueti ba banlongo.’ (1 Petelo 1:16) Kuba banlongo kunsundula kuba badiodila mu nyitu ayi mu mayindu. Tulenda ba badiodila mu nyitu befu kukobilanga kadika kilumbu, kusukulanga bikhutu bitu, kudiodisa nzo’itu, kuludika dikalu ditu ayi kubika diawu didiodila. Mvandi tufueti diodisa Nzo yi Kintinu. Befu kuba badiodila mu nyitu, tunkuiza tuadisa nzitusu kuidi Yave.—2 Kolinto 6:3, 4.
2. Bifu mbi tufueti bika muingi tuba badiodila?
Kibibila kitu kindisa “tukivedisa mu mambu moso malenda sumuna nyitu ayi phevi.” (2 Kolinto 7:1) Mawu mansundula ti, tufueti vanga mangolo muingi tubika vanga dioso kua diambu dilenda tuadisa mvindu mu nyitu’itu voti mu mayindu. Befu tulenda kuangidika Yave mu mayindu, diawu tufueti vangila mangolo muingi tubika ba mayindu makhambu fuana. (Minkunga 104:34) Ayi mvandi tumvanganga mangolo ma kutuba mambu mamboti.—Tanga Kolosai 3:8.
Mambu mbi mankaka malenda bifisa nyitu ayi mayindu mitu? Biuma biwombo bilenda bivisa nyitu’itu. Dedi: zitsunga zi mayilu, zi bisinga ayi ziazioso zinyikunanga kilunzi. Befu kubika kusadila biuma abiobio tunkuiza baka buvinya bumboti ayi tuala monisa lukinzu mu nkhayilu wu luzingu. Mvandi tumbanga *badiodila mu kuvanga mangolo ma kubika bifu dedi: kunyonya pheni’aku muingi kuyikuangidika ayi kumona zivideo voti zifoto zimmonisa batu bambundana nyitu. (Minkunga 119:37; Efeso 5:5) Didi diambu diphasi kununga bifu bimbi, vayi Yave kalenda tusadisa kuvanga mawu.—Tanga Yesaya 41:13.
BUELA LONGUKA
Fiongunina buidi kuba nyitu yidiodila kulenda zitisila Yave ayi mona buidi wulenda nungina bifu bimbi.
3. Kuba badiodila mu nyitu kunzitisanga Yave
Bo tuntanga matedi nsiku Yave kavana kuidi basi Isaeli, befu tunlongukanga kibila mbi didi diambu dinkinza bisadi biandi kuba badiodila. Tanga Esodu 19:10; ayi 30:17-19, bosi tubilanu biuvu binlanda:
-
Buidi matangu amama mammonisina phila Yave kammuenanga matedi kuba badiodila mu nyitu?
-
Mbi tufueti vanganga muingi tutatamana kuba badiodila mu nyitu?
Vantombulu mangolo ayi thangu muingi tuba badiodila mu nyitu. Tulenda vanga mawu kheti bo tunzingila mu bibuangu bidi beni buphumbulu ayi kheti tuidi mbakulu voti ndamba. Tala VIDEO, bosi tubilanu kiuvu kinlanda.
-
Kibila mbi kuludika biuma bitu ayi kudiodisa biawu binkuiza zitisila kisalu ki kusamuna tumvanganga?
4. Nunga bifu bimbi
Yave kalenda kusadisa kununga bifu bimbi
Boti ngie wunnuanga tsunga muingi wubaka mangolo, ngie zebi ti didi diambu diphasi kubika kifu beni. Vayi mbi bilenda kusadisa? Fiongunina buidi kifu akiokio kilenda kutuadisila ziphasi. Tanga Matai 22:37-39, bosi tubilanu buidi kunua zitsunga zi mayilu, zi bisinga ayi zinyikunanga kilunzi zilenda tula nkaku muingi . . .
-
kuba nkundi wu Yave.
-
kuba kithuadi na dikanda diaku ayi bankaka.
kubaka makani ma kununga bifu bimbi. a Tala VIDEO.
Tanga Filipi 4:13, bosi tubilanu kiuvu kinlanda:
-
Buidi kuvanganga nsambu, kutanganga Kibibila kadika kilumbu ayi kulandakananga zikhutukunu kulenda kusadisila kununga bifu bimbi?
5. Vanga mangolo muingi wununga mayindu ayi bifu bimbi
Tanga Kolosai 3:5, bosi tubilanu biuvu binlanda:
-
Buidi tuzabidi ti, kutala zivideo zi batu bambundana nyitu, kufila zimensagem zi butsuza ayi kunyonya pheni’aku bidi bifu bimbi va mesu ma Yave?
-
Wunkikinina ti Yave widi bibila muingi kutudinda tuba badiodila mu mayindu? Kibila mbi?
Fiongunina buidi wulenda nungina mayindu mambi. Tala VIDEO.
Yesu wusadila kifuani muingi kumonisa ti tufueti ba bakubama ayi kuvanga mangolo muingi tuba badiodila mu mayindu. Tanga Matai 5:29, 30, bosi tubilanu kiuvu kinlanda:
-
Yesu kabasa tomba ko kutuba ti, tufueti kukivanga phasi vayi waba tomba kutuba ti vantombulu mangolo muingi tuba badiodila. Makani mbi mutu kafueti baka muingi kununga mayindu mambi? b
Boti widi mu kunuana nzingu muingi wununga mayindu mambi, tebuka moyo ti Yave wumvuanga nkinza mangolo wumvanganga. Tanga Minkunga 103:13, 14, bosi tubilanu kiuvu kinlanda:
-
Boti ngie widi mu kunuana nzingu na mayindu mambi, buidi matangu amama malenda ku kindisila wutatamana kuvanga mangolo?
Bika kuvonga!
Didi diambu diluelu kuyindula, ‘Yisa nunga ko. Minu yisi ko luvalu.’ Vayi yindula mu kifuani akiki: Mutu wuntanga bisavu bi kuduma zithinu na kubua, vasintombulu ko nandi kubue vutuka vana thonono. Bobuawu mvandi, ngie kuvanga zinzimbala, mawu masinsundula ko ti wulendi nunga ko bifu bimbi. Mvandi, masinsundula ko ti mangolo moso bevanga madi maphamba. Kibila, khumbu zinkaka tunkuiza vanga zinzimbala—vayi ma kumonika, bika kuvonga! Ngie kuvitika, Yave kalenda kusadisa kununga bifu bimbi.
BATU BANKAKA BANTUBANGA: “Minu yimana kolama kifu akiki, yilendi nunga ko kubika kiawu.”
-
Matangu mbi ma Kibibila ngie wulenda sadila muingi kummonisa ti mu lusalusu lu Yave nandi kalenda nunga kubika kifu beni?
MBI NGIE BELONGUKA
Tunkuangidikanga Yave bo tuntatamana kuba badiodila mu mayindu, mu nyitu ayi bo tummonisa mavanga mamboti.
Vutukila Mambu Mamfunu
-
Kibila mbi didi diambu dinkinza kuba badiodila?
-
Buidi wulenda bela wudiodila mu nyitu?
-
Buidi wulenda tatiminina kuba mayindu madiodila ayi kuba mavanga mamboti?
TALA MAMBU MANKAKA
Mambu mbi mankaka wulenda vanga muingi wuba wudiodila mu nyitu, kheti wisi ko mbakulu yiwombo?
Bakula mambu mbi ngie wufueti vanga muingi wubika nuanga zitsunga.
Fiongunina mbi bilenda monika ngie kuba kifu ki kumonanga zivideo zimmonisa batu bambundana nyitu.
“Pornografia—Inofensiva ou mortífera?”(A Sentinela, 1 de Agosto de 2013)
Fiongunina buidi dibakala dimueka kanungina kifu ki kutalanga zivideo zimmonisa batu bambundana nyitu.
“Depois de muitas tentativas, finalmente consegui” (A Sentinela, n.o 4 de 2016)
a Como parar de fumar” dilongi didi vama vantuba “Tala Mambu Mankaka” mu dilongi adidi, dinsudikisa mambu wufueti vanga muingi wununga bifu bimbi.
b Tala buidi wulenda nungina kifu ki kunyonyanga pheni’aku. Mona “Como posso vencer o mau hábito da mastrubação?” Mu buku Os Jovens Perguntam—Respostas práticas, Volume 1, capítulo 25.
