DILONGI 47
Mbi Wufueti Vanga Muingi Kubotama?
Ngie malonguka mawombo matedi Yave mu ndongukulu’aku yi Kibibila. Mvandi widi mu kuvanga mangolo muingi kubalula mambu mawombo mu luzingu luaku. Ḿba vadi mambu makhidi kutula nkaku muingi kukivana kuidi Yave ayi kubotama. Mu dilongi adidi tuemmona mbi bilenda kutula nkaku muingi kubotama ayi buidi wulenda nungina.
1. Ava kubotama vantombulu theti kuzaba mambu moso ma Kibibila?
Muingi wubotama, ngie wufueti baka “nzayilu yikiedika.” (1 Timoteo 2:4) Mawu masinsundula ko ti wufueti zaba mimvutu mi biuvu bioso midi mu Kibibila ava kubotama. Kheti Baklisto babotama mu thama, bakhidi longuka Kibibila. (Kolosai 1:9, 10) Muingi kubotama ngie fueti zaba malongi matheti ma Kibibila ayi bakulutu mu kimvuka, bankuiza kusadisa kuzaba boti ngiewu widi nzailu yifuana muingi kubotama.
2. Mambu mbi wufueti vanga ava kubotama?
Ava kubotama ngie wufueti ‘balula mavanga maku ayi kuvutuka kuidi Nzambi.’ (Tanga Mavanga 3:19.) Mawu mansundula, kuyongina masumu maku ayi kudinda kuidi Yave muingi ka kulemvukila. Mvandi wufueti bika mavanga mambi ayi kubaka makani ma kuzingila mu phila yinkuangidika Yave. Bosi wunkuiza buela mioko mu bisalu bimvangamanga mu kimvuka dedi kulandakananga zikutukunu ayi kuba nsamuni wukhambu botama.
3. Boma mbi bankaka badi ayi lufiatu mbi tuidi?
Batu bawombo bammonanga boma boti bankuiza nunga dukisa zikhanu bakanikisa kuidi Yave. Bukiedika, khumbu zinkaka tumvanganga zinzimbala. Mvandi bisadi biwombo bi Yave, bantubila mu Kibibila bavanga zinzimbala. Vayi Yave kasintemina ko tuba bavedila. (Tanga Minkunga 103:13, 14.) Yave wumbanga mu mayangi bo tumvanga mamoso tulenda nunga. Nandi wala kusadisa ayi nandi wutuvana lufiatu ti vasi ko kiuma ‘kilenda kutuvambisa mu luzolo lu Nzambi.’—Tanga Loma 8:38, 39.
BUELA LONGUKA
Mona buidi wulenda nungina mambu malenda kutula bikaku muingi kubotama mu kuzaba buboti Yave ayi kuvitika lusalusu luandi.
4. Zaba buboti Yave
Nati kitesu mbi ngie wufueti zabila Yave ava kubotama? Vantombulu kubaka nzayilu matedi Yave muingi kunzola ayi kunkuangidika. Tala VIDEO muingi wumona buidi minlonguki miwombo mi Kibibila bannunginanga kuvanga mawu. Bosi tubilanu kiuvu kinlanda.
-
Dedi bummonisina video, mbi bisadisa matoko amomo kuba bakubama muingi kubotama?
Tanga Loma 12:2, bosi tubilanu biuvu binlanda:
-
Ngie widi divuda mu matedi mbi Kibibila kinlonga boti ti Zimbangi zi Yave badi Kiedika?
-
Boti ngete buna mbi wulenda vanga?
5. Nunga bikaku bioso muingi wubotama
Bo tumbaka makani ma kukivana kuidi Yave ayi kubotama, tumviokilanga mu zithotolo ziwombo, dedi tala VIDEO, bosi tubilanu biuvu binlanda.
-
Dedi bummonisina video, bikaku mbi yaya Naragel kaviokila muingi kusadila Yave?
-
Buidi luzolo luandi mu Yave lunsadisila kununga bikaku beni?
Tanga Zingana 29:25 ayi 2 Timoteo 1:7, bosi tubilanu kiuvu kinlanda:
-
Mbi bi tuvananga kibakala muingi tununga zithotolo?
6. Fiatila mu lusalusu lu Yave
Yave wunkuiza kusadisa muingi wunsadila. Tala VIDEO, bosi tubilanu biuvu binlanda.
-
Dedi bummonisina video, kibila mbi nlonguki wu Kibibila kabela boma bu kubotama?
-
Mbi nandi kalonguka binsadisa kufiatila mu Yave?
Tanga Yesaya 41:10, 13, bosi tubilanu kiuvu kinlanda:
-
Kibila mbi wulenda bela lufiatu ti wunkuiza nunga kudukisa lukanu wuvanga lu kukivana kuidi Yave?
7. Yindulanga mu phila Yave ka tumonisinanga luzolo
Bo wunyindula mu luzolo Yave kadi mu ngie, mawu mankuiza kusadisa kuntonda ayi kunsadila mu luzingu luaku loso. Tanga Minkunga 40:5, bosi tubilanu kiuvu kinlanda:
-
Lusakumunu mbi lu Yave ngie wunluta zolanga?
Mbikudi Yelemia waba zolanga Yave ayi diambu diandi, mvandi waba zolanga kiyeku ki kuzabikisa dizina di Yave. Nandi wutuba: “Diambu beni diyangidika ntim’ami, kibila minu yinnatanga dizina diaku, A Yave Nzambi yi lulendu”. (Yelemia 15:16) Bosi vana mimvutu mi biuvu abibi:
-
Kibila mbi didi diambu dinkiza kuba wumueka mu Zimbangi zi Yave?
-
Ngie wuntomba kubotama muingi wuba wumueka mu Zimbangi zi Yave?
-
Vadi diambu dikutula nkaku muingi kuvanga mawu?
-
Mbi wulenda vanga muingi wudukisa makani ma kubotama?
BATU BANKAKA BANTUBANGA: “Yidi boma boti yisinkuiza nunga ko kuvanga mo yikanikisa kuidi Yave ava kubotama.”
-
Buawu mvaku wunyindudilanga?
MBI NGIE BELONGUKA
Yave kalenda kusadisa kununga bikaku bioso ayi kudukisa lukanu lu kubotama.
Vutukila Mambu Mamfunu
-
Vantombulu kuzaba mambu moso Kibibila kinlonga ava kubotama?
-
Mambu mbi fueti balula mu luzingu luaku ava kubotama?
-
Kibila mbi wulendi bikila ko boma bu kuvutula mbusa?
TALA MAMBU MANKAKA
Fiongunina mbi bilenda tuadisa makani maku ma kubotama.
“Ngie Widi Wukubama Muingi Kubotama?” (Kibanga ki Nsungi, Ngonda Yintatu 2020)
Mona buidi wulenda nungina mambu malenda kutula nkaku muingi kubotama.
“Mbi Bikuphutula Mbusa Muingi Yibotama?” (Kibanga ki Nsungi, Ngonda Yintatu 2019)
Mona mbi bilenda kutula nkaku muingi wubaka makani mankiza ma kubotama.
Mona buidi dibakala dimueka kanungina nkaku kaba muingi kubotama. Ayi mbi binsadisa kubaka makani amomo mankinza.
