DILONGI 51
Mbi Wulenda Vanga Muingi Mambu Wuntuba Mayangidika Yave?
Bo Yave katuvanga, nandi wutuvana nkhayilu wumboti beni—luaku lu kutuba. Bukiedika ti nandi wumvuanga nkinza phila tunsadilanga nkhayilu beni? Ngete! (Tanga Yakobi 1:26.) Buabu, buidi tulenda sadila nkhayilu beni muingi kuyangidika Yave?
1. Buidi tulenda sadila nkhayilu wu kutuba?
Kibibila kitu kamba: “Lutatamana kukindasana ayi kubombasana benu na benu.” (1 Tesalonika 5:11) Wulenda yindula khomba wuntomba khindusulu? Mbi wulenda vanga muingi kunsadisa? Monisa kuidi bankaka ti wu bavuanga nkinza. Ḿba wulenda ku bakamba mbi wunluta zolanga mu bawu. Wulenda yindula matangu ma Kibibila malenda sadisa mutu widi mu kiunda? Vadi matangu mawombo wulenda sola. Mvandi tebukanga moyo ti, mambu tuntuba malenda kuangidika voti kunyongisa batu. Diawu tufueti sodilanga buboti mambu tuntuba muingi kubomba ayi kukindisa bankaka.—Zingana 15:1.
2. Phila mambu mbi tufueti bika kutubanga?
Kibibila kintuba: “Mambu mambi mabika basikila mu miunu minu.” (Tanga Efeso 4:29.) Mawu mansundula ti, tufueti ba keba keba mu mambu tuntuba muingi tubika kunyongisa voti kulueka mintima mi bankaka. Mvandi tufueti bika kusekanga buezi ayi kuvunina bankaka mambu.—Tanga Zingana 16:28.
3. Mbi binkuiza tusadisa kusola buboti mambu tuntuba?
Mambu tuntubanga mammonisanga mayindu ayi mabanza mitu. (Luka 6:45) Tufueti vanga mangolo muingi tusikika mayindu mitu mu mambu mamboti—dedi: Mambu moso makiedika, masonga, mavedila ayi ma luzolo. (Filipi 4:8) Muingi kununga kuvanga mawu, tufueti ba keba keba bo tunsola bisavu tumviokisila thangu na bakundi bitu. (Zingana 13:20) Mawu mankuiza tusadisa kusola buboti mambu tuntuba ayi phila tuntubila. Mona buidi mambu wuntuba malenda sadisila voti kunyongisa bankaka. Kibibila kintuba: “Kukoluka mu khambu yindula, kuidi buka kulueka mu mbedi, vayi ludimi lu nkua nduenga luidi mbukulu.”—Zingana 12:18.
BUELA LONGUKA
Longuka buidi bu kukolukila mu phila yinkuangidika Yave ayi yi kukindisila bankaka.
4. Sola buboti mambu wuntuba
Khumbu zinkaka befu boso tuntubanga mambu mo tulenda nyongina kuntuala. (Yakobi 3:2) Tanga Ngalatia 5:22, 23, bosi tubilanu biuvu binlanda:
-
Zikhadulu mbi zidi mu matangu amama wulenda dinda kuidi Yave mu nsambu muingi kusadisa kuyala mambu wuntuba? Buidi zikhadulu aziozio zilenda kusadisila?
Tanga 1 Kolinto 15:33, bosi tubilanu kiuvu kinlanda:
-
Buidi bakundi ayi bisavu wunsola bilenda vukumunina phil’aku yi kutubila?
Mbi bilenda bifisa mambu tuntuba?
Tanga Mpovi 3:1, 7, bosi tubilanu kiuvu kinlanda:
-
Kibila mbi didi diambu dinkinza khumbu zinkaka kukalanga sui ayi kutemina thangu yifuana muingi kutuba?
5. Tubanga mambu mankindisa bankaka
Kibila mbi tufueti bikila kuvuezanga bankaka ayi kutuba mambu malenda ku banyongisa? Tala VIDEO, bosi tubilanu biuvu binlanda.
-
Mu video tube mona, mbi bisadisa khomba kubalula phila kaba kolukilanga na bankaka?
-
Mbi nandi kavanga muingi kubaluka?
Tanga Mpovi 7:16, bosi tubilanu kiuvu kinlanda:
-
Mbi tufueti tebukanga moyo bo tuntomba kutubila bankaka bubi?
Tanga Mpovi 7:21, 22, bosi tubilanu kiuvu kinlanda:
-
Buidi matangu amama malenda kusadisila wubika fika dasukanga bo bankaka ba kutubila bubi?
6. Monisa luzolo bo wunkoluka na dikanda diaku
Yave wuntomba muingi tuyolukila mu luzolo na dikanda ditu. Tala VIDEO, bosi tubilanu kiuvu kinlanda.
-
Mbi binkuiza kusadisa kukolukilanga mu lukinzu na dikanda diaku?
Tanga Efeso 4:31, 32, bosi tubilanu kiuvu kinlanda:
-
Ntindu mbi masolo malenda kindisa dikanda diaku?
Yave wumonisa buidi kaba tadilanga muan’andi Yesu. Tanga Matai 17:5, bosi tubilanu kiuvu kinlanda:
-
Buidi wulenda landikinina kifuani ki Yave bo wunkoluka na dikanda diaku?
Yindula ziphila wulenda tondila bankaka
BATU BANKAKA BANTUBANGA: “Yintubanga dioso kua diambu dinkuizila mu mayindu ayi yisi ko fotu’ama boti bankaka bazolanga ko mambu yintuba.”
-
Mvaku wunkikinina mu mawu? Kibila mbi?
MBI NGIE BELONGUKA
Mambu tuntuba malenda yongisa voti kukuangidika bankaka. Diawu tufueti sodila buboti, mambu tuntuba, buidi tuntubila ayi thangu tuntubila.
Vutukila Mambu Mamfunu
-
Mu ziphila mbi wulenda sadila mambu wuntuba muingi kukindisa bankaka?
-
Ntindu mbi masolo wuntomba kubika?
-
Mbi bilenda ku tusadisa tutatamana kusadila mambu tuntuba muingi kukindisa bankaka?
TALA MAMBU MANKAKA
Mbi bilenda ku tusadisa kutubanga mambu mamboti?
Longuka mbi bilenda kusadisa kubika tubanga mambu mambi.
“Bukiedika ti Kutubanga Ziyengu Didi Diambu Dimbi?” (Dilongi didi mu jw.org)
Mona buidi wulenda bikila kubua mu ntambu wu kusekanga buezi voti kutubanga mambu manyongisa bankaka.
Bakula buidi Yave kasadisila dibakala dimueka wuba kifu ki kutubilanga bankaka bubi.
“Comecei a pensar no rumo que minha vida estava tomando” (A Sentinela, 1 de Agosto 2013)
