DILONGI 53
Sola Bisavu Binkuangidika Yave
Yave widi “Nzambi yi mayangi.” (1 Timoteo 1:11) Nandi wuntomba muingi tubaka mayangi mu luzingu ayi wumbanga mu mayangi bo tumbotula thangu muingi kuvunda ayi kuvanga bisavu. Mu dilongi adidi tunkuiza mona buidi tulenda sadila buboti thangu’itu yi kuvunda muingi tubaka mayangi—ayi mvandi kukuangidika Yave.
1. Mbi tufueti tebukanga moyo ava tusola bisavu?
Mbi wunzolanga kuvanga bo wumvunda? Bawombo banzolanga kuviokisa thangu’awu yi kuvunda mu phila yimboti dedi,—kutanga, kukuwa minkunga, kutala zifilme voti kukota mu internet. Ayi bankaka banzolanga kuviokisa thangu mu kuliata, kusiuka ayi kuta bola na bakundi bawu. Bioso kuandi bisavu tunsola tufueti ba lufiatu ti biawu “binkuangidika Mfumu.” (Efeso 5:10) Nkinza beni kuvisa mambu amomo kibila Yave kazolanga ko bisavu biwombo batu mu nza bamvanganga voti bammonanga dedi: buphunya, kitsuza ayi mambu ma kindoki. (Tanga Minkunga 11:5.) Mbi binkuiza tusadisa kusola buboti bisavu?
Ngie kusola bakundi banzolanga Yave, bawu bankuiza kusadisa kusola buboti bisavu. Dedi bo tumueni “woso wundiatanga na bankua nduenga, wala ba nduenga”. Vayi befu kuba nkangulu na batu bakhambu zolanga minsiku mi Yave, tunkuiza “baka tsukulu yimbi.”—Zingana 13:20.
2. Kibila mbi tufueti sikikila ndilu nati thangu mbi tunkuiza viokisa mu bisavu?
Kheti bisavu tunsola bisinyongisa ko Yave, vayi tufueti ba keba keba muingi tubika viokisa beni thangu mu biawu. Kibila befu kukhambu vanga mawu tuisinkuiza baka ko thangu muingi tuvanga mambu malutidi nkinza. Kibibila ki tukindisa muingi “tusadila [thangu’itu] mu phila yilutidi.”—Tanga Efeso 5:15, 16.
BUELA LONGUKA
Longuka buidi bu kubakila makani mamboti matedi bisavu.
3. Tatuka bisavu bimbi
Kibila mbi tufueti bela keba keba bo tunsola bisavu? Tala VIDEO, bosi tubilanu biuvu binlanda.
-
Buidi bisavu baba tanga ku Loma mu sekulu yitheti bididi dedi mueka na bisavu binkaka bubu?
-
Mu video tube mona, mbi Dani kalonguka matedi bisavu?
Tanga Loma 12:9, bosi tubilanu kiuvu kinlanda:
-
Buidi matangu amama malenda kusadisila kubaka makani mamboti matedi bisavu?
Ntindu mbi bisavu Yave kanlendanga? Tanga Zingana 6:16, 17 ayi Ngalatia 5:19-21. Bo lummana kutanga kadika lutangu tubilanu kiuvu kinlanda:
-
Mambu mbi madi mu matangu amama mammonikanga mu bisavu binkaka bamvanganga bubu?
Buidi bu kusodila bisavu mu nduenga
Wukiyuvusa:
-
Mbi? Muidi biuma binyongisanga Yave?
-
Thangu mbi? Bilenda kuthula nkaku muingi kuvanga mambu malutidi nkinza?
-
Nani? Binkuiza thula mu kithuadi na batu bakhambu zolanga Yave?
Disi ko diyindu dimboti kutatamana kudiatila mu nzila yilenda tula luzingu luitu va kingela. Bobuawu mvandi, bisavu bimbi, bilenda tula luzingu luitu va kingela
4. Sadila mu nduenga thangu‘aku
Tala VIDEO, bosi tubilanu kiuvu kinlanda.
-
Kheti khomba tube mona mu video kabasa vanganga ko bisavu bimbi, vayi buidi kabe monisina ti wuba buka mvika wu bisengu?
Tanga Filipi 1:10, bosi tubilanu kiuvu kinlanda:
-
Buidi matangu amama ma tusadisila kusikika ndilu yi thangu tunkuiza viokisa mu bisavu?
5. Sola bisavu bimboti
Kheti bisavu binkaka binyongisanga Yave, vayi vadi bisavu bimboti tulenda vanga. Tanga Mpovi 8:15 ayi Filipi 4:8, bosi tubilanu kiuvu kinlanda:
-
Bisavu mbi bimboti ngie wunluta zolanga??
Ngie wulenda baka mayangi bo wumviokisa thangu mu kumona ayi kuta bisavu bimboti
BATU BANKAKA BANTUBANGA: “Boti yisimvanga ko mambu yimmona mu zifilme dedi: buphunya, kitsuza voti mambu ma kindoki, buna disi’andi ko disumu.”
-
Mvutu mbi wulenda mvana?
MBI NGIE BELONGUKA
Yave wuntomba muingi tusola bisavu bimboti ayi tubaka mayangi mu biawu.
Vutukila Mambu Mamfunu
-
Ntindu mbi bisavu Baklisto boso bakiedika balendi vanga ko?
-
Kibila mbi tufueti sikikila ndilu nati thangu mbi tunkuiza viokisa mu bisavu?
-
Kibila mbi ngie wuntombila kusola bisavu binkuangidika Yave?
TALA MAMBU MANKAKA
Mona kidi kiyeku kinani kusola bisavu bitu.
“Bukiedika ti Zimbangi zi Yave Bankandiminanga Kutala Zifilme voti Kukuwa Minkunga?” (Dilongi didi mu jw.org)
Mona buidi bu kubakila makani mamboti matedi bisavu.
“A sua recreação é benéfica?” (A Sentinela, 15 de Outubro 2011)
Mu kinongo, “Yinunga Bifu Bimbi” mona kibila mbi dibakala dimueka kabaludila phila yi kutadila bisavu.
“A Bíblia muda a vida das pessoas” (A Sentinela, 1 de Fevereiro 2010)
Mona kibila mbi Nkieto wumueka kabakila makani mamboti matedi kubika kutala bisavu bimmonisa mambu ma kindoki.
