DILONGI 01

Bukiedika ti Kibibila Kilenda Kusadisa?

TATIKA

Befu bawombo tuidi beni biuvu mu matedi luzingu, ziphasi, lufua ayi mambu mankuiza kuntuala. Tuntatubukanga beni mu mambu ma lumbu ka lumbu ayi buidi tulenda bakila mayangi mu luzingu ayi va dikanda. Batu bawombo bantubanga ti Kibibila, kiawu kidi mimvutu mi biuvu biwombu bitedi luzingu. Ayi kidi mvandi malongi mawombu malenda diatisa luzingu luitu. Buidi wummuena, bukiedika ti Kibibila kilenda kusadisa mu mosokua mambu?

1. Biuvu mbi Kibibila kimvana mimvutu?

Kibibila kimvana mimvutu mi biuvu abibi binkinza: Kuidi tufumina? Kibila mbi tuididi va ntoto? Kibila mbi batu bamboti bammuenanga ziphasi? Kuidi tunkuendanga bo tufuidi? Boti batu boso bantomba ndembama, kibila mbi bankaka ba kivondasananga? Mambu mbi mankuiza monika va ntoto? Kibibila kimvana mimvutu mi biuvu abiobi, ayi mafunda ma batu bambakanga mimvutu mi khindusulu mu biuvu abiobi.

2. Buidi Kibibila kilenda kutu sadisila?

Kibibila kitu vananga malongi mamboti. Dedi kiawu kinsadisanga makanda kuzaba, buidi balenda bakila mayangi makiedika. Mvandi kitu vananga malongi matedi mbi tufueti vanga bo tunkuazukila ngolo mu mambu ma luzingu ayi kitusadisanga kuzola kisalu tumvanganga. Ngie wunkuiza zaba mbi Kibibila kinlonga matedi mambu amomo, ayi wunluta bakila mawu ndandu bo tunlonguka mawu va kimueka. Ngie wunkuiza kikinina ti ‘masonoko mamo [voti mamoso madi mu Kibibila] madi mfunu.’—2 Timoteo 3:16.

Kilongulu akiki kisimvinginina ko Kibibila vayi kikusadisa kufiongunina Kibibila. Diawu, tukukindisa muingi wutanganga matangu moso ma Kibibila ayi kumona nguizani mawu madi na mambu widi mu kulonguka.

BUELA LONGUKA

Tala buidi Kibibila kinsadisilanga batu bawombo. Mona mvandi kibila mbi didi diambu dimboti kutambula lusalusu muingi kuvisa kiawu.

3. Kibibila Kilenda Tutuadisa

Kibibila kidi buka muinda wunlezamanga beni. Kiawu mvandi kilenda tusadisa kubaka makani mamboti ayi kuzaba mambu mankuiza.

Tanga Minkunga 119:105, bosi tubilanu biuvu binlanda:

Buidi nsoniki wu nkunga awowo, kaba tadilanga Kibibila?
Buidi ngie wuntadilanga Kibibila?

4. Kibibila kilenda tuvana mimvutu mi biuvu tuidi

Nkieto wumueka wubakula ti Kibibila, kilenda kumvana mimvutu mi biuvu biaba kuntatisanga beni mu mimvu miwombo. Tala VIDEO, bosi tubilanu biuvu binlanda:

VIDEO: Tatamana Kuba Kivuvu! (1:48)

Dedi bo bemuena mu video, biuvu mbi nkieto awowo kaba?
Buidi ndongukulu yi Kibibila yinsadisila?

Kibibila kitu kindisa tuvananga biuvu. Tanga Matai 7:7, bosi tubilanu kiuvu kinlanda:

Biuvu mbi ngie widi, bio fueti tomba mimvutu mu Kibibila?

5. Ngie wulenda zola kutanga Kibibila

Batu bawombo banzolanga kutanga Kibibila ayi bambakanga ndandu mu mawu. Tala VIDEO, bosi tubilanu biuvu binlanda:

VIDEO: Kutanga Kibibila (2:05)

Dedi bo bemuena mu video, mayindu mbi matoko mawombo badi matedi kutanga?
Kibila mbi babelanga ko mayindu amomo bo bantanga Kibibila?

Zithuadusulu zi Kibibila, zilenda kutu vana mbombolo ayi kivuvu. Tanga Loma 15:4, ayi tubilanu kiuvu kinlanda:

Ngie wuntomba kubuela zaba matedi lukanu bantubila mu lutangu alolo?

6. Bankaka balenda tusadisa kuvisa Kibibila

Batu bawombo babakula ti balenda baka ndandu yiwombo ba kutambula lusalusu lu bankaka muingi kuvisa Kibibila. Tanga Mavanga 8:26-31, bosi tubilanu kiuvu kinlanda:

Mbi tufueti vanga muingi kuvisa Kibibila?—Tala lutangu 30 ayi 31.

Dibakala musi Etiopi wudinda lusalusu muingi kavisa masonoko. Bobuawu mvandi bawombo babakula ti balenda luta baka ndandu ba kulonguka Kibibila na mutu wunkaka

BATU BANKAKA BANTUBANGA: “Thangu yibobo kuandi yilenda viokisa minu kulonguka Kibibila.”

Buidi ngie wummuena mawu ayi kibila mbi?

MBI NGIE BELONGUKA

Kibibila kituvananga malongi mu mambu ma lumbu ka lumbu ayi kitusadisanga kubaka mimvutu mi biuvu bilutidi nkinza mu luzingu. Kiawu kimvananga mvandi mbombolo ayi kivuvu.