Mu kikhuku akiki, twantubila binongo bi Kibibila bidi mu Masonokwa ma Baklisto mu Kingeleko.Tunkwiza longuka mambu mawombo matedi Yesu. Nandi wubutukila va dikanda dikhambu busina dyaba kalanga va mwa divula, ayi waba salanga kikalipintelu na tat’andi. Yave wunsola mwingi kaba mvulusi wu batu ayi Ntinu mu Kintunu kyandi ku diyilu. Ti ngyewu widi tata ove ngudi, fweti kusadisa mwan’aku kazaba ti Yave wusodila Yesu dikanda dimboti mwingi kabutukila. Monisa bwidi Yave kamanga bikila Elode kavonda Yesu ayi bwidi kamvangilanga moso katidi mwingi kudukisa zikhanu zyandi. Twanlonguka mvandi bwidi Yave kasadila Yoane mu kukubika ndizulu yi Yesu. Sudikisa phila Yesu kaba vaninanga ndwenga yi Yave luvalu, mu ndyonzukulu’andi.