Yindula kifwani akiki: Davidi wundyatisa dikalu mu nzila kakhambu zaba buboti. Bidimbu binsudikanga nzila bavata mu ndeko nzila voti va tsi, bimmonisa ti nzila Davidi kandyatila yisi ko yawu. Nandi matebuka moyo ti bezimbala, kibila divambu kabe landakana disi ko diawu.

Boti ngyewu Davidi, khanu mbi wuvanga?

Ngyewu widi mambu mawombo wulenda vanga:

1. Kukuvula batu bazebi.

2. Kulandakana thwadusulu yidi mu mapa.

3. Tatamana kwenda ntwala ti wunkwiza bakula nzila yifweni.

Ntanda wuntatu voti C, disi ko diyindu dimboti.

Mu mintanda myoso, wummwadi voti B wulutidi mu myamyoso. Kibila Mapa yilenda kusadisa kuba nsika ayi lufyatu mu nzila wundyatila..

Bobuawu mvandi Kibibila kilenda kusadisa!

Buku banlutanga kukabula yilenda:

• kusadisa mu mambu wummona mu luzingu

• kusadisa kukizaba ayi kuba mavanga mamboti

• kumonisina bwidi wulenda bakila luzingu lu mvu ka mvu

Bo tuntona kukoluka, buawu tumvaninanga byuvu.

• Kibila mbi matuti madidi manomba ayi maphembi?

• Bwidi buvangulu zimbwetila?

Bosi, tubwe vananga byuvu mu matedi nza yi tuzungidila.

• Kibila mbi mambu mambi mammonikinanga?

• Kibila mbi batu bamfwilanga?

Enati tona mu thama mimvutu beni midi mu Kibibila?

Bawombo bantubanga ti Kibibila buku yikhulu, buku yi binongo bi luvunu voti buku yidi phasi mu kuvisa. Kibibila kiawu kidi mambu voti batu bawu bankhambu tombanga kuvisa mambu madi momo? Bukyedika ti baba zabikisanga buboti matedi Kibibila?

Dedi bawombo bambanzilanga ti Kibibila kinlonga ti Nzambi nandi wunyalanga nza. Vayi, bwidi malenda bela? Nza ayiyi yisi ko ntwadisi! Diawu, yisabidi ziphasi, kimbevo, lufwa, buphumbulu ayi zindikunini zi ntoto. Bwidi Nzambi yi luzolu, kambela ntwadisi wu mambu mambi?

Tidi kuzaba mvutu? Kibibila kinsudikisa nani wunyala nza!

Bukyedika, malongi moso malonguka mu mwa buku ayiyi, ma bongulu mu Kibibila. Zimbangi zi Yave badi lufyatu ti mu Kibibila, muawu mwidi thwadusulu yifweni mu kulandakana. Kibila “masonoko mamo masonimina mu lulendo lu Nzambi, madi mfunu mu longa, mu tubidila, mu ludika ayi longa mu diatila mu busonga.” (2 Timoteo 3:16, 17) Diawu ngye fweti tanganga Kibibila buku yinkhambu vyokanga thangu!