DILONGI 1
Thononu Yimboti
Mavanga 17:22
DILONGI: Phila wuntonina dilongi yifweti sadisa batu kuvwa nkinza, kuzabikisa mambu wunkwiza yoluka, ayi kumonisa kibila mbi mambu beni madidi nkinza kwidi bawu.
MBI WULENDA VANGA:
-
Sadisa batu kuvwa nkinza. Sola buboti kyuvu, mambu wunkoluka, bifwani bikyedika bi luzingu, voti zitsangu batu balenda vwa nkinza.
-
Zabikisa mambu wunkwiza yoluka. Tomba kuzaba ti phila wuntonina dilongi dyaku, yilenda zabikisa mambu wunkwiza longa ayi nkinza madi kwidi batu ba kukuwa.
-
Monisa kibila mbi mambu beni madidi nkinza. Natina mambu wuntuba mu zitsatu zi batu ba kukuwa. Bawu bafweti visa buboti bwidi dilongi dyaku dilenda kuba sadisila mu luzingu luawu.