Zaba nangika ayi kuvumbika mbembu. Bwela nangika mbembu mwingi kutubila mambu malutidi nkinza ayi kusadisa batu ba kukuwa bavwa nkinza. Wufweti vanga mvandi mawu bo wuntanga matangu ma Kibibila mantubila lufundusu. Vumbika mbembu mwingi kutula phwila yi kukuwa mambu manlanda voti mwingi kumonisa mabanza ma boma voti dibamu.

Zaba bu kumvingisila mbembu. Boti kuba mu mbembu’aku, nangika mbembu mwingi kumonisa mayangi voti kutubila bunneni bu kyuma ayi kinanu. Vumbika mbembu mwingi kumonisa mabanza ma kyunda voti dibamu.

Zaba bu kunatina mbembu. Yoluka beni mu nswalu mwingi kumonisa mayangi. Vayi yolukila mu malembe bo wuntubila mambu mankinza.