Baka makani. Tomba kuzaba ti dilongi dyaku dinluta zabikisa zitsangu, dinsadisa batu kukikinina mambu wunlonga, ayi kusadila mawu. Tomba kuzaba ti mambu moso malutidi nkinza, mankwiza kusadisa kudukisa makani maku.

Tubila beni ntu dilongi mu dilongi dyaku dyoso. Bo wumvanga dilongi, tubanga beni ntu dilongi, mu kuvutukila bikuma binkinza bi ntu wu dilongi voti kusadila bikuma binkaka bintubila ntu dilongi.

Visikisa buboti mambu malutidi nkinza mu dilongi. Tubila to mayindu malutidi nkinza madi kithwadi na ntu dilongi, ayi ma wulenda nunga kulonga mu phila bamvisila ayi mu thangu yifwana. Bika sola mambu mawombo mankinza, vayi sola to nkadu, vunda nkandu mu mawu, ayi zaba bu kunatina mawu mu phila baboso balenda visila.