Kubama buboti. Longuka beni nate wumvisa bwidi matangu ma Kibibila malenda sudikisila mambu malutidi nkinza. Sadila bikuma bilwelu mwingi kutubila mambu malutidi nkinza mu dilongi. Tsikika mayindu maku mu phila mawu mansadisila batu ba kukuwa. Dinda mvandi lusadusu lu phevi yinlongo.

Sadila bikuma bimmonisa lufyatu. Bika vutukila tanga mambu masonama mu kilongulu, vayi sadila bikuma byaku. Sadila bikuma bimmonisa ti ngye widi lufyatu mu mambu wunlonga.

Tubila mu bukyedika. Yolukila mu mbembu yifwana. Boti disi ko dyambu dimbi va nsengi’aku, talanga bizizi bi batu wunlonga.