Sadisa batu ba kukuwa kuyifyongunina baveka. Vanga byuvu mwingi kusadisa batu ba kukuwa bafyongunina mabanza mawu ma tsi ntima.

Zabikisa mambu mamboti. Sadisa batu ba kukuwa bafyongunina kibila bamvangilanga bisalu bimboti. Wuba sadisa bavangila mambu mu bibila bimboti, dedi, mu luzolo badi mu Yave, mu batu ayi mu malongi ma Kibibila. Bika yoluka beni, vayi wuba sadisa kuvisa ndwenga yidi mu Kibibila mu mambu wuntuba. Bika fwisa batu zitsoni, vayi wuba kindisa mwingi babaka mangolo ma kuvangila mambu mamboti.

Vana nkembu woso kwidi Yave. Tubila bwidi malongi, minswa ayi zithumu zi Kibibila zimmonisa zikhadulu zi Yave ayi luzolo kadi mu befu. Sadisa batu ba kukuwa kuvwa nkinza mabanza ma Yave ayi bayangidika ntim’andi.