Sola bikuma bilutidi nkinza. Ngye tanga matangu ma Kibibila, zabikisa bikuma binsudikisa dyambu dinkinza wunlonga. Wulenda vangila mawu mu kuvutukila kutanga bikuma beni mu Kibibila voti mu kuvana byuvu bilenda vanga batu ba kukuwa kuzaba bikuma bilutidi nkinza.

Bwela kindisa mambu wuntomba batu basimbidila. Ngye kutuba kibila wuntangila matangu ma Kibibila, sudikisa bwidi bikuma binkinza bidi mu matangu bididi ngwizani na kibila wube tuba.

Visikisa bu kusadila mambu wunlonga. Bika kwe sudikisanga mambu malenda zimbisa diyindu dilutidi nkinza. Tatamana kutubila mambu batu ba kukuwa bazebi mu matedi mambu wunlonga, tomba kuzaba mambu mbi wunkoluka mwingi batu bavisa buboti bwidi bu kusadila mawu.