Sola bifwani bikhambu phasi. Dedi Yesu, sadila byuma bilwelu mwingi wusudikisa byuma binneni, ayi byuma bikhambu phasi mwingi wusudikisa byuma bidi phasi. Bika bwela sudikisa byuma bikhambu tsalulu bilenda vanga batu kukhambu visa kifwani. Tomba kuzaba ti mambu wuntuba mu kifwani, madi ngwizani ayi dilongi widi mu kulonga, mwingi batu ba kukuwa babika vukumuka mu mambu makhambu tsundu.

Yindula mambu mala sadisa batu ba kukuwa. Sola bifwani bintubila mambu batu ba kukuwa bamvanganga voti banzolanga. Ba keba keba mwingi bifwani byaku bibika fwisa batu zitsoni voti kuba finga.

Longa mambu malutidi nkinza. Tsikika mayindu mu mambu malutidi nkinza mu kifwani, bika ti mu mambu malwelu. Vanga mangolo mwingi batu ba kukuwa babika to tebukila moyo kifwani beni, vayi dilongi wunlonga mu kifwani beni.