KIKOLA KI MINSAMUNI MI KINTINU Mintwami ntwala badi 23 ayi 65 di mimvu, bantomba kubwela kukivana mu kisalu ki Yave ki kusamuna, tuba tumisa mwingi ba landakana lukutukunu lumfunu lunkwiza tubila Kikola beni mu lumingu va masika. Tunkwiza zabikisa Thangu yiḿbela lukutukunu beni

MINSUDIKI MI KIBWANGU Minsudiki badidi ava, mwingi ku tusadisa. Lemvuka landakana thwadusulu’awu mu matedi vama mulenda tula makalu, va kukala ayi mankaka.

KUBOTAMA Fweti bikila bikundu bitheti bidi vantwala palco, kwidi batu bantomba kubotama. Diawu baboso bambotama, bafweti kala mu bikundu beni ava dilongi dintubila bambotama ditona mu Kisabala va meni. Kadika mutu wuḿbotama, kafweti twala ditwaya dyandi ayi binkhutu bi kubotimina bimmonisa lukhinzu.

MIKHAYILU Zimbongo ziwombu zibe tombolu mwingi kukubika kibwangu akiki, dedi kukubika bisengu bi minkunga, binsenku bibe tusadisa kubwela baka ndandu mu zivideo zi lukutukunu lube tubwela kufikama Yave. Diawu mikhayilu myaku mu zimbongo, zimbwela myoko kisalu akiki ayi mu nza yimvimba. Buawu, ngye wulenda vana mikhayilu myaku mu zikasu zifikama yaku. Dingumba dintwadisi baku tonda beni mu minkhayilu myaku wunbwelanga myoko kisalu ki Kintinu.

LUSALUSU LU THETI Zaba ti batu to tulenda vana lusalusu lu theti, baboso BALENDA BWA KUBELA va kibwangu.

BYUMA BIZIMBIDI VA KIBWANGU Boti byuma benonga byo bazimbisidi, buna wulenda bika biawu kwidi Dingumba Bantadilanga matedi byuma binzimbala. Ayi boti kyuma be zimbisa, wulenda tombila mvandi kiawu kwidi dingumba beni. Ti mwana kilezi be zimbala, mufweti nnata kwidi dingumba beni. Diawu bik’anu kukwekula bana binu, vayi mufweti kuba kyeba va kibwangu mwidi.

BIKUNDU Fweti yindula mvandi bankaka. Diawu fweti zaba ti batu to wulenda swekila kibwangu ki kukala, bo bandyata yaku dikalu di mweka, dikanda dyaku ayi minlonguki mi Kibibila. Lemvuka, kawu bika byuma mu bikundu binkala batu.

BATIDI KUBWELA MYOKO Boti tidi kubwela myoko mu bisalu bimvangama va kibwangu akiki ki lukutukunu lu mavula, buna tomba Dingumba dintadila batu batidi kubwela myoko.