Zimbangi zikwa zi Yave ngye zebi? Baǹkalanga yaku va ǹsengi, baǹsalanga yaku ayi baǹlogukanga yaku mu kikola. Ove wumana solula yitu matedi Kibibila. Bukyedika twidi banani ayi kibila mbi tuǹsamuninanga ma tuǹtelanga mana kwidi baǹkaka?

Twidi buka batu boso. Tubasikila mu mimvila ayi ǹzingulu zi vyakana. Befu baǹkaka tuma vyokila mu binganga biwombu voti tusa tela mana ko mu Nzambi. Angi, tulonguka theti Kibibila bosi tuyiza ba Zimbangi zi Yave. (Mavanga 17:11) Bo tukikinina ma tulonguka, tubaka makani ma kubwongimina Yave Nzambi.

Tuḿbakanga ndandu mu kulonguka Kibibila. Twidi mambu ayi tuǹzimbakananga buka batu boso. Angi tubakula ti kuzingila mu miǹswa mi Kibibila kuḿbalulanga nzingulu’itu mwingi yi luta buboti. (Minkunga 128:1, 2) Kiawu kibila tuǹsamuninanga tsangu zimboti tulonguka mu Kibibila.

Tuǹzingilanga mu zikhadulu zi Nzambi. Zikhadulu beni Kibibila kaǹlonga, ziǹtwadisanga nzingulu yi songa, nzingulu yimboti, lukinzu mu baǹkaka, ayi mavanga mamboti. Ziawu zi tuvanganga kuba bilunzi bimboti, batu banzinga mboti mu tsi, baǹsalanga mboti ayi zi tulongisanga kintwandi va dikanda. Tuǹkikininanga ti Nzambi ka vasanga ko ayi “katalanga zizi ko” diawu ki khomba kitu kidi mu nza yimvimba, ki khambulu kithatu mu miḿvila, tukhambu kotilanga mu mambu ma politika, vayi tu bundana mu zitsambululu zimweka. Kheti twidi buka batu boso, angi twidi dikanda disolwa di Nzambi.—Mavanga 4:13; 10:34, 35.

• Mbi biǹdedikisa Zimbangi zi Yave na batu baǹkaka?

• Zinkadulu mbi Zimbangi zi Yave baǹlongukanga mu Kibibila?