Ku Beteli batu badi bakabuka mu bisalu mu dyambu ku twadisa kisalu ki kusamuna mu zitsi. Kwidi mwa mangumba ma miǹsekudi mi bilongulu, miḿbasisi bilongulu mu bisengo, miǹludiki voti miǹkabudi mi bilongulu ayi baǹkaka baǹtulanga matangu ma bilongulu mu fono ayi mu bimona meso, tu tanga tu lembu.

Mwa Dingumba di Bakhulutu ba Filiali baǹtwadisanga bisalu. Mwa Dingumba Diǹtwadisi wuǹfyatilanga kisalu ki kukengidila kadi beteli ove filyali kwidi Mwa Dingumba di Bankulutu ba Filiali, mu lenda ba bankulutu batatu ba ndwenga. Bawu baǹsunzulanga kwidi mwa dingumba diǹtwadisi buǹkwendila kisalu ayi zi tsatu zitsi. Zitsatu beni baḿfilanga, ziǹsadisanga mwa dingumba diǹtwadisi ku nsikika malongi ma lusadusu mu bilongulu ayi mu zikhutukunu zi zineni ziǹkwiza. Mwa Dingumba Diǹtwadisi baḿfilanga thangu ka thangu muntu mu dyambu kuvana dyela mwa dingumba di bakhulutu di kadika Filyali bo bafweti kukebila kiyeku kiawu. (Zingana 11:14) Ntwadusulu ayi disolo di ḿfunu diḿvangama kwidi nzenza mwingi kukindisa ba kala mu tsi beni.

Baǹsadisanga bimvuka bi nsi. Bankulutu ba Filyali baǹkikinanga bimvuka bi mona. Vadi zikhomba ba kyebanga kisalu ki miǹtwadisi mi kisalu, bamisyoni ayi miǹsungi mi divula baǹsadilanga mu tsi beni. Bawu baǹsikikanga ndyatusulu yi zikhutukunu zi divula ayi zi mavula, baǹtwadisanga thungulu yi zinzo zi Kiǹtinu ayi baḿfidisanga bilongulu mu bimvuka. Mamonso maḿvagamanga ku filiali maǹludikanga kisalu ki kusamuna.—1 Kolinto 14:33, 40.

• Bwidi mwa dingumba di bakhulutu ba Filiali diǹsadisilanga mwa dingumba diǹtwadisi?

• Biyeku mbi biǹkyebwanga ku filiali?