Kuba ti ǹsitu tuḿvyoka, mvula tuǹnokunu, mwinya tuǹtebulu, phasi zi luzingu voti phokongo yi kisalu tummona, angi tu bikanga ko kwenda mu zinkutukunu. Kibila mbi Zimbangi zi Yave bamvangilanga ǹtindu mangolo amomo ma kukutakana?

Mu dyambu di mamboti mitu. Mu matedi kithwadi ki zikhomba mu kimvuka, ḿvwala Polo wu tuba ti tufweti ba ‘nzolasani ye mu baǹkaka.’ (Ebeleo 10:24) Bikuma abyobyo bimmonisa ti tufweni zaba mboti zikhomba zitu. Biawu, bimmonisa ǹkinza wu tuḿvwanga mu baǹkaka. Mu kuzaba makanda maǹkaka ma baklisto ma nunga mu malema dedi ma tummona, malenda kutusadisa tununga.

Maǹtwadisanga bakundi bamboti. Mu zikhutukunu zitu, tumonanga ko zikhomba buka batu ba tuzebi, angi bakundi ba lozolo. Mu zikhumbu ziǹkaka tuḿbanga yawu mwingi tusakana mboti. Bwidi kukala va kimweka na zikhomba zitu ku tulandukila? Tuǹlongukanga bwidi bu bwedila lukinzu mu baǹkaka, ayi kindisa luzolo lwitu. Diawu twidi ba kubama mu kusadisa zikhomba zitu bo bamonokono mambu. (Zingana 17:17) Mu kukangala na zikhomba zitu zi kimvuka, yawu mpila tukimonisinanga ǹkinza.—1 Kolinto 12:25, 26.

Tu kudinda wu vanga kikundi ayi bantu bamvanganga luzolo lu Nzambi. Wala baka bakundi mu Zimbangi zi Yave. Bika kubikidila mambu maǹkaka ma kuvanga wu bika kangala yitu.

• ◼ Bwidi tulenda bakila ndandu mu kintwadi ki zikhutunu?

• Thangu mbi tidi zabila kinkomba kitu mu lukutukunu?