Nzambi wuǹtomba batu ba zingila mu mayangi ayi mu ndembama ḿvu ka ḿvu ku paladizu va ǹtoto!

Wulenda kuyikuvula: ‘Bwidi malenda bela?’ Kibibila kiǹtuba ti mala vangimina mu nzila yi Kiǹtinu ki Nzambi. Kiawu ḿvandi ki tukamba ti luzolo lu Nzambi, batu boso ba longuka matedi Kiǹtinu ayi lukanu lwandi mu befu.—Minkunga 37:11, 29; Yesaya 9:7.

Nzambi wuǹtomba mamboti mu befu.

Banga Tata wuǹtomba mboti mu bana bandi, Yave wuǹtomba tubaka mayangi ma ḿvu ka ḿvu. (Yesaya 48:17, 18) Yave wukanikisa ti mutu ‘wuḿvanganga luzolo lwandi wala baka moyo wu ḿvu ka ḿvu.’—1 Yoane 2:17.

Nzambi wuǹtomba tudyatila mu nzil’andi.

Kibibila kiǹtuba ti Ḿvangi’tu wuǹtomba kutulonga mu zi nzila zyandi ayi tu dyatila mu ziawu. (Yesaya 2:2, 3) Nandi wu ludika ‘dikabu didi dizina dyandi’ mwingi kusamuna luzolo lwandi mu nza yimvimba.—Mavanga 15:14.

Nzambi wuǹtomba tuḿbwongiminanga va kimweka.

Mbwongimini yi Yave, yi tatulanga batu ko angi yiḿbundisanga batu mu luzolo lukyedika. (Yoane 13:35) Banani baǹlongisanga batu bu kusadila Nzambi mu kithwadi? Tu kudinda wubaka mimvutu mu mwa buku ayiyi.