Kibibila kintubila mwa mangumba mwadi madi kiyeku mu kimvuka: Bankulutu ba kimvuka ayi minsadisi mi kimvuka. (Filipi 1:1) Mu bimvuka byoso, mwidi bakhulutu ayi minsadisi miwombu. Vayi, bwidi minsadisi beni ba tusadisilanga?

Bawu bansadisanga mwa dingumba di bakhulutu. Minsadisi mi kimvuka, ba ba ti batende voti bakhulutu, badi batu ba kinzambi kimboti, ba lufyatu ayi nzaki mu kusala. Bawu banludikanga ayi baḿvanganga bisalu mu nzo yi Kiǹtinu biǹtombilanga mangolo mu dyambu kusadisa kimvuka. Lusalusu alolo luḿvanganga bakhulutu ba kimvuka ba tala mboti kiyeku kyawu mu matedi kulongisa ayi kusunga mamemi.

Bawu baḿvanganga bisalu biǹkinza. Miǹsadisi miǹkaka miǹsolwanga buka miǹludiki mwingi kuyamba batu baǹkwiza mu zikhutukunu. Baǹkaka baǹkyembanga bisengo bi miǹkunga, baǹkabula bilongulu, kulunda zimbongo zi kimvuka ayi baǹkaka baǹkabulanga bitini bi zunga kwidi miǹsamuni mi kimvuka. Bawu ḿvawu baǹsadisanga mu kubongisa Nzo yi Kiǹtinu. Bakhulutu ba kimvuka balenda kuba dinda mwingi ba sadisa biboba. Kyosokwa kiyeku baǹtambula, baǹsalanga kyawu mu ǹtima woso, diawu tu ba kinzikilanga beni.—1 Timoteo 3:13.

Baḿvananga ǹtungulu wumboti wu babakala baklisto. Miǹsadisi mi kimvuka miǹsolwanga mu zikhadulu ziawu zimboti zi kiphevi bammonisanga. Bo baǹlonganga mu zikhutukunu, baǹkindisanga kiminu kitu. Ǹtungulu’awu mu kusamuna, wuḿbwelanga mangolo mitu mu kisalu ki kusamuna. phila ba kivenanga mu kusadisa baǹkaka, yiḿbwelanga mayangi ayi kinthwadi mu kimvuka. (Efeso 4:16) Kuǹtwala, Miǹsadisi mi kimvuka ba fwana, balenda ba bakhulutu ba kimvuka.

• Banani Miǹsadisi mi kimvuka?

• Banani Miǹsadisi mi kimvuka?