Yi zabikini Nzo yi Kiǹtinu, kibila malongi moso baǹtwadisanga muawu madi ma Kiǹtinu ki Nzambi—ǹtu dyambu wu malongi ma Yesu.—Luka 8:1.

Bidi bibwangu bi mbwongimini yi Kyedika. Muawu baǹludikilanga kisalu ki kusamuna tsangu zimboti zi Kiǹtinu mu kimvuka. (Matai 24:14) Zinzo zi Kiǹtinu diswasana zidi mu ntungulu, ayi zifwana baǹsadilanga kwidi bimvuka biwombo. Mu miḿvu mi mavyoka, tuma tunga kumi di mafunda di Zinzo zi Kiǹtinu (maǹsundula ti tuǹtunganga zinzo 5 mu kilumbu) mu dyambu landakana mbwelumunu yi bimvuka. Buawu malenda bela?—Matai 19:26.

Ziǹtungulwanga mu minkayilu miḿvewanga mu ziawu. Minkayilu beni miḿfilwanga ku Beteli mu dyambu bimvuka ba baka zimbongo zi ludikila voti tungisila Zinzo ziǹkaka zi Kiǹtinu.

Ziǹtungulwanga kwidi batu ba miḿvila myoso ba kivana ayi ba khembu ḿfutu. Mu zi nsi ziwombo, ba vanga Mangumba Maǹtunganga Zinzo zi Kiǹtinu. Miǹtungi ayi miǹsadisi myawu, baǹkwendanga mu kadi kimvuka mu zitsi ziawu mwingi kusadisa kutunga Zinzo zi Kiǹtinu. Mu zinsi ziǹkaka, baḿvananga kiyeku kwidi Zimbangi zi Yave ba phisuka mwingi kutwadisa kisalu ki kuludika voti kutunga zinzo ziǹkaka zi Kiǹtinu mu mavula. Muma moso baǹsadilanga, baǹlutanga kukivana mu kisalu, Zimbangi zi Yave baǹkalanga va divula beni. Phevi yi Yave ayi mangolo ma kyedika ma ǹkangu’andi, maǹsadisanga kisalu beni.—Minkunga 127:1; Kolosai 3:23.

• Kibila mbi bibwangu bitu tuḿbwongiminanga Nzambi bi zabikini Zinzo zi Kiǹtinu?

• Bwidi buǹtungulwanga Zinzo zi Kiǹtinu mu nza yimvimba?