MALONGI 6
Dyana mbi twidi mu bafwa’e?
1. Zi nsangu mbi zimbote zi keli mu bafwa’e?
Yesu bu ka tuka ku Betania kubelama Yelusalemi, Lazalo buna mana fwa mu bilumbu bina bi vyoka. Malata ayi Malia banata Yesu va dibumbi di nkomb’awu Lazalo. Mu ntangu beni, va wala ǹkangu wu bantu. Wu lenda yindula mayangi ma mona Malata ayi Malia bo Yesu ka vulubusa Lazalo’e?—Tanga Yoane 11:21-24, 38-44.
Malata wu zaba nsangu zimbote zi tedi bafwa. Nandi wu zaba ti Yave wala vulubusa babonso bafwa, ayi bala vutuka ku be zinga va ǹtoto.—Tanga Yobi 14:14, 15.
2. Bwidi ba mbelanga bantu bafwa’e?
Nzambi wu kamba Adami: “Una vutuka mu ǹtoto uwabongwa.”—NGENESI 3:19.
Bantu ba vangulu mu fundu fundu yi ǹtoto. (Ngenesi 2:7; 3:19) Twisi ko zimpevi zi ǹzingilanga mu nkati ǹsuni. Angi twidi bivangu bi bantu mu ki ǹsuni. Dyawu twisi ko kinama ki be zinganga ti muntu befwa. Kibila bo tumfwanga tonzu ḿvandi tumfwanga; mayindu, ayi mabanza mitu mameni. Dyawu, lazalo kasa tuba dyambu ko di tedi mu lufwa lwandi, kibila bafwa basa be zabanga dyambu ko.—Tanga Salmos 146:4; Mpovi 9:5, 6, 10.
Nzambi wumfilanga bafwa ku bulungi mo ba tovuk’e? Tu zebi ti Kibibila kintuba ti, bafwa basa zaba dyambu ko, buawu bulungi bu mbazu banlonganga mu mabundu mawombo dizabikini ti luvuno ayi bamvwezanga dizina di Nzambi. Diyindu di ku yoka bantu ku mbazu, disi ko dimbote va meso ma Nzambi.—Tanga Yelemia 7:31.
3. Bafwa ba lendi koluka yitu’e?
Bafwa ba lendi ko koluka ayi ku kuwa. (Minkunga 115:17) Angi zimbasi zi mbi ba lenda kukoluka na bantu, ayi bamvunanga bantu bayindula ti bafwa bankolukanga. (2 Petelo2:4) Dyawu Yave, wu yimina dyoso kwandi diyindu di ku kolukanga na bafwa.—Tanga Deutelonomi 18:10, 11.
4. Nani wala be zing’e?
Bantu bawombu ba fwa bala vutuka mu ku be zingila va ǹtoto. Ba nkambu kuzaba Nzambi ayi baba vanganga mambi bala vulubuka.—Tanga Luka 23:43; Mavanga 24:15.
Bantu ba vulubuka bala longuka kyedika kitedi Nzambi ayi bala tela mana mu Yesu. (Nzaikusu 20:11-13) Banani ba vanga luzolo lu Nzambi bala vulubuka mu luzingu lu ḿvu ka ḿvu va ǹtoto.—Tanga Yoane 5:28, 29.
5. Mbi lu vulubukulu Iu tu longa mu Yave?
Nzambi wu tya befu tu ba dyana ti bafwa bala be zinga, dyawu ka fidila mwan’andi, ka fwila mu kibila kitu. Luvulubuku lu tu longa luzolo lu kyedika lu Yave ayi mbote yi tu manga fwana kutambula kwidi nandi. Mu babonso bafwa, nani wu nteti ngyewu wuntomba kudengan’e?—Tanga Yoane 3:16; Loma 6:23.
