Mambi ma tona va ǹtoto bo Satana ka tuba luvunu lu nteti. Va nteti nandi wu ba mbasi yilunga angi kasa telama ko mu kyedika. (Yoane 8:44) Nandi wu zinina ḿbongimini yi vwidi Nzambi. Satana wu vuna nkyeto wu nteti Eva ayi wumvukumuna ka bayisa Nzambi mu dyambu kantumimina nandi. Adami wu kota mu munu Eva mu ku bayisa minsiku mi Nzambi. Lukanu Adami ka baka lu twadisa zimpasi ayi lufwa.​—Tanga Ngenesi 3:1-6, 19.

Satana bo ka vukumuna Eva mu ku manga zintumu zi Nzambi, nandi wu tona kubalukila ǹswa wu Nzambi wu ku ba Nandi to vyokizi zangama mu luyalu. Ǹza yimvimba ba ǹlandikinanga kifwani ki Satana Aayi ba mbayisanga luyalu lu Nzambi. Dyawu Satana ka yiza “bela ḿfumu ǹza”.​—Tanga Yoane 14:30; 1 Yoane 5:19.

Bivangu byoso bi Nzambi bilunga. Nzambi wu vanga zimbasi ayi bantu mo ba ǹtumamana mu bu lunga. (Deutelonomi 32:4, 5) Nandi wu tu vana mpwasa yi kusobula kuvanga mbote ayi mbi. Mpwasa yi ku sola mbote voti mbi yi lendi kuvanga monisa luzolo lwitu kwidi Nzambi.​—Tanga Yakobi 1:13-15; 1Yoane 5:3.

Yave wu mbikilanga bantu ba manga lutumu lwandi ba yala mu ntangu yi fwana. Mu kibila mbi’e? Mo ka monisa ti, ku vengumuna kwandi luyalu lu nafeka Nzambi, vasiko muntu wu lenda ba mayindu ma kuyala mbote ńza. (Mpovi 7:29; 8:9) Mu 6 yi biveve bi miḿvu mi ma vyoka kumbusa ma tu monisa kivisa. Kibila vasiko  mintinu mi ǹza mi manisa mimvita, mambi ayi bimbevo.​—Tanga Yelemia 10:23; Loma 9:17.

Diswasana didi mintinu mi ǹza ayi kintinu ki Nzambi ki ḿvanganga mambote kwidi babonso bankikininanga kyawu. (Yesaya 48:17, 18) Mu ntangu yi nkufi yi syedi Yave wu manisa mintinu mi ǹza. Muna bantu to, ba sola luyalu lu kintinu ki Nzambi, bawu bala zinga va ǹtoto.​—Yesaya 11:9; Tanga Danieli 2:44.

Satana wu fyesa ti vasiko muntu wu lenda sadila Nzambi mu luzolo. Ngyewu lenda kumonisa ti mo ka tuba ma luvunu’e? Nyinga, wu lenda! Ḿvibudulu yi Yave yi tu bikila mpwasa yi kumonisa ti twidi ku nkonzo lutumu lwandi ove lu bantu ba ǹza. Mpila wu ǹzingilanga yi monisa mbi wu sola.​—Tanga Yobi 1:8-12; Zingana 27:11.

Tu lenda sola luyalu lu Nzambi, befu kukindama tomba sambululu zi kyedika zidi mu kibibila ayi kuzingila bo Nzambi kantombila. (Yoane 4:23) Tu lenda manga satana befu kubaya kotanga mu luvunu lu mintinu mi ǹza ove kukota mu mimvita kibila Yesu kasa landakana ko mi mkembu mi ǹza.​—Tanga Yoane 17:14.

Satana weta sadila mangolo mandi mu dyambu kubwelanga nangika butsuza ayi mavanga monso mambi. Befu kubaya mambu mambi, bakundi ayi badi va dikanda ba lendi tu vweza ove ku tu balukila. (1 Petelo 4:3, 4) Dyawu tu fweti sola. Tu ǹdyata na bantu ba zoleze Nzambi’e? Twala kindama monisa luzolo mu minsiku myandi’e? Befu ku ma vanga twala monisa ti Satana ǹkwa luvunu bu ka tuba ti vasiko muntu wu lenda mona zi ḿpukumunu yeka kindama kuvanga luzolo lu Nzambi.​—Tanga 1 Kolinto 6:9, 10; 15:33.

Luzolo lu Nzambi lumvana dyana ti mambi ayi zimpasi zyala mana. Babonso ba monisa lufyatu kwidi Nzambi bala zinga ḿvu ka ḿvu va ǹtoto.​—Tanga Yoane 3:16.