MALONGI 7
Mbi Kintinu ki Nzambi’e?
1. Muna mbi Kintinu ki Nzambi’e?
Mbi bimvanga Yesu ka ba Ǹtinu wu fwan’e?—MALAKO 1:40-42.
Kintinu ove kimfumu ki Nzambi lwidi luyalu lu diyilu. Kyawu kyala vinginina mintinu mi ǹza, ayi wala bika luzolo lwandi luvangama va ǹtoto, buka bu lu ḿvangimina ku diyilu. Nsamu wu mbote wu tedi mu Kintinu ki Nzambi. Fyoti fisyedi kintinu beni kyela yukutisa zitsatu zi bantu zi kubakila luyalu lu mbote, ayi wala bundisa bantu bonso va ǹtoto.—Tanga Danieli 2:44; Matai 6:9, 10; 24:14.
Kintinu ki fweti kuba na ǹtinu. Dyawu Yave wu byeka mwan’andi Yesu mu dyambu ka ba ǹtinu wu kintinu kyandi.—Tanga Nzaikusu 11:15.
Tala video Mbi Kintinu ki Nzambi?
2. Kibila mbi Yesu kadidi Ǹtinu wu fwenengeni’e?
Mwana Nzambi nandi Ntinu wu mbote fwenengeni kibila wu nwaninanga mambu masonga. (Yoane 1:14) Kubotula dyo-dyo, ku diyilu kuawu kala yadila ǹza, dyawu kala bela lulendu lu lutidi mu kusadisa zi tsatu zi bantu. Bo ka vulubuka, nandi wu maka ku diyilu ayi wu vwanda va kyandu va lubakala lu Nzambi ti bwabu wumvingilanga. (Ebeleo 10:12, 13) Bo ntangu yi fwana Nzambi wu ḿvana zingolo mu dyambu ka tona kuyala.—Tanga Danieli 7:13, 14.
3. Nani wala yala na Yesu’e?
Dingumba bantedilanga “bantu banlongo” bawu bala tuma na Yesu. (Danieli 7:27) Zimvwala zikwikama zi Yesu zyawu zi nteti zi solwa. Ti mu bilumbu bitu Yave wu nkidi sola ba bakala ayi ba nkyeto ba kwikama mu dyambu ba ba bantu ba songa. Buna bu bela luvulubuku lu Yesu, bwabuna ḿvandi bamvulubukilanga mu nyitu yi kimpevi.—Tanga Yoane 14:1-3;1 Kolinto 15:42-44.
Baba kwa bankwenda ku diyilu’e? Yesu wu ba tedila ǹkangu wuluelo wu mameme. (Luka 12:32) Ntalu yala dedimina 144 yi bivevi bawu na Yesu bala yala ǹtoto.—Tanga Nzaikusu 14:1.
4. Mbi bi monika va ntonono luyalu lu Yesu’e?
Kintinu ki Nzambi ki tona luyalu lwandi mu ḿvu 1914. * Di nteti ka vanga mu luyalu lwandi, wu kulumuna satana ayi zimpevi zi mbi va ǹtoto. Satana wu monisa ǹganzi dyawu ka twadisila malema mu ǹza yimvimba. (Nzaikusu 12:7-10, 12) Kutona buna tona mambu mambi kubwelama na kubwelama. Mimvita, ǹzala, bimbevo ayi Zindikunu zineni zi ǹtoto. Bidimbu byo-byo bi monisa ti, kintinu ki Nzambi kyambelama mu kukengidila mambu ma ǹtoto.—Tanga Luka 21:7, 10, 11, 31.
5. Mbi Kintinu ki Nzambi kyela vang’e?
Mu ǹzila yi kisalu ki ku samuna zi nsangu zimbote mu nzá yimvimba, kintinu ki Nzambi kidi mu ku bundisa ǹkangu wunneni wu bantu mu zi nsi zyoso. Mafunda na mafunda ma bivevi bi bantu ba bumpombo badi mu ku ba ku nsi luyalu lu Yesu. Kintinu ki Nzambi kyala ba keba bu kala bunga mbandu yi mbi mu bilumbu bitu va ǹtoto. Dyawu babonso bantomba baka kintinu ki Nzambi, ba fweti longuka ba ku nsi luyalu lu Yesu.—Tanga Nzaikusu 7:9, 14, 16, 17.
Mu biveve bi mi ḿvu kintinu ki Nzambi kyala vanga lukanu lu nteti lu Nzambi mu nzá yimvimba. Ǹtoto wala baluka paladizu. Ku nsukulo Yesu wala vutula kintinu kwidi tat’andi. (1 Kolinto 15:24-26) Wu zebi muntu ngyewu wu lendi kamba matedi kintinu beni ki Nzambi’e?—Tanga Minkunga 37:10, 11, 29.
^ Lut. 6 Mo wu bwela zaba mo matedi mpila mbikudulu yi kibibila yintubila ḿvu 1914, tala va busu bu minkanda 215-218 yi buku O Que a Bíblia Realmente Ensina?
