Yave wu vana ǹtoto kwidi bantu. Wawu ǹzo’itu. Buawu, ma tata mitu ma nteti, Adami ayi Eva, basa vangu ko mu kukadila ku diyilu. Nzambi wu yivangila zimbasi mu dyambu ba zingila ku diyilu. (Yobi 38:4, 7) Nandi wu tula dibakala di nteti ku paladizu yi mbote bantedilanga lumbu lu Edeni. (Ngenesi 2:15-17) Yave wu vana Adami ayi bana bandi dyana di luzingu lu ḿvu ka ḿvu.​—Tanga Minkunga 37:29; 115:16.

Va nteti, lumbu lu Edeni luawu to luba paladizu. Bantu ba nteti bakwela nkanu ba wesa ǹtoto wumvimba dikanda di bantu. Buna bu bina vyokila ntangu, bawu nkanu ba vwa ǹtoto wonso ayi wu bina baluka paladizu. (Ngenesi 1:28) Ǹtoto usikilanga ntangu yi ka yimani. Wawu wela kadidila lumbu lu bantu.​—Tanga Minkunga104:5.

Adami ayi Eva basa tumamana ko mu minsiku mi Nzambi dyawu Yave ka ba kukisila ku Edeni. Vasiko muntu wu lenda balula ǹtoto wu bevutikila paladizu. Kibila“ńtoto wayekulu mu myoko mya ḿkwa wambi”.​—Tanga Yobi 9:24; Ngenesi 3:23, 24.

Bu kyedika ti Yave wu suka mu ku manisa lukanu lwandi lutedi mu bantu mu ǹza yimvimb’e? Ḿve! Nandi ǹkwa ngolo dyawu ka lendi suka ko. (Yesaya 45:18) Nzambi wala vutula bantu buna bu bela makani mandi va nteti.​—Tanga Minkunga 37:11, 34.

Mu luyalu lu Yesu, Ǹtinu wu Nzambi ka sola, yawu ntangu beni paladizu yala vutukila. Mu ḿvita wu bantedilanga Halamangedo, Yesu wala  twadisa zimbasi ayi wala tulula ba ka bonso ba nkambu vanganga luzolo lu Nzambi. Ku ntwala Yesu wala tula Satana mu buloku mu 1000 ki mi ḿvu. Bantu ba Nzambi bela vuka kibila Yesu wala ba kyeba. Bawu bela zinga mu manyenze mu luzingu lu ḿvu ka ḿvu.​—Tanga Nzaikusu 20:1-3; 21:3, 4.

Ntangu mbi Nzambi kala manisa zimpasi va ǹtoto? Yesu wu vana “kidimbu“ ki monisa ti ntangu yeka yinkufi. Nzingulu yi bantu mu bilumbu bitu yinlubula ti tsukulu yi ma fikama.​—Tanga Matai 24:3, 7-14, 21, 22.

Mu luyalu lu Yesu ku diyilu mu 1000 li mi ḿvu nandi wala manisa zimpasi va ǹtoto. (Yesaya 9:6, 7; 11:9) Ku bika kwandi kisalu ki ntinu, angi Yesu wala sala buka Nganga Nzambi, mu ku manisa masumu ma bantu ba nzolanga Nzambi. Dyawu mu nzila Yesu, Nzambi wala manisa kimbevo, bu nunu, ayi lufwa.​—Tanga Yesaya 25:8; 33:24.

Wonso wu ǹtumamana mu minsiko mi Nzambi nandi wala zinga ku paladizu. (1 Yoane 2:17) Yesu wu fidisa minlongisi myandi mo batomba ba bumpombo ayi ba ba longa kuvanga luzolo lu Nzambi. Mu ntangu yitu Yave widi mu ku kubika mafunda na mafunda li biveve bi bantu, bala zingila ku paladizu ku ntwala va ǹtoto. (Sefania 2:3) Mu Zi nzo zi Kintinu ki Zimbangi zi Yave, bantu ba nlongukanga bu ku bela banuni ba mbote, matata mambote ayi bakazi ba mbote ove zi ngudi zi mbote. Bana ayi matata, ba ǹzitusanga Nzambi va kimweka, banlongukanga ǹzingulu zimbote ayi bamvuntulanga matondo mu malongi ma Nzambi.​—Tanga Mika 4:1-4.