Mbi Yesu Kavanga

Mbi Tulenda Longuka Matedi Yesu?

2. Befu tufueti monisa luzolo ayi mvandi tulendi ba ko boma bu kukamba minlonguki mitu mambu bafueti balula muingi bayonzuka mu kiphevi.

 Landakana Kifuani ki Yesu

3. Sadisa nlonguki katsikika ayi kadukisa makani ma kiphevi.

1.    Sadila vama vantuba “Makani Mami” mu kilongulu Baka Mayangi ma Mvu ka Mvu!

2.   Sadisa nlonguki’aku kazaba mambu kafueti vanga muingi kanunga kudukisa makani mandi moso.

3.   Tondanga nlonguki’aku mu mangolo moso kadi mu kuvanga muingi kayonzuka mu kiphevi.

4. Sudikisa nlonguki’aku mambu malenda kuntula nkanku muingi kayonzuka mu kiphevi ayi nsadisa kununga mawu.

1.    Wukiyuvusa:

   • ‘Mbi bidi mu kutula nkaku nlonguki’ama kabotama?’

   • ‘Lusadusu mbi yilenda kumvana?’

2.   Sambila kuidi Yave muingi wubika ba boma ayi wuzabikisa nlonguki’aku mu luzolo mambu kafueti balula.

5. Boti nlonguki kasinkonzuka ko mu kiphevi, bika kubue longukanga yandi.

1.    Muingi wuzaba boti nlonguki wu Kibibila widi mu kukonzuka, wukiyuvusa:

   • ‘Nandi widi mu kusadila mambu kadi mu kulonguka?’

   • ‘Wunlandakananga zikhutukunu ayi wunkolukanga na bankaka mambu kadi mu kulonguka?’

   • ‘Boti thama mutona kulonguka Kibibila, bukiedika ti nandi wuntomba kuba mbangi yi Yave?’

2.   Boti nlonguki kasintomba ko kukonzuka mu kiphevi:

   • Nyuvula mambu mbi madi mu kuntula nkaku.

   • Mu lukinzu, nsudikisa kibila mbi wunkuiza bika kubue mvananga ndongukulu yi Kibibila.

   • Nkamba mbi kafueti vanga muingi kayonzuka mu kiphevi ayi kavutuka kubue longuka Kibibila kuntuala.