KUTONA MASOLO
DILONGI 4
Ku Kikulula
Nsua wu Kibibila: “Mu ku kikulula, lutadila bankaka ti bawu ba mulutidi.”—Fili. 2:3.
Mbi Polo Kavanga
1. Tala VIDEO, voti tanga Mavanga 26:2, 3. Bosi fiongunina biuvu binlanda:
-
Buidi Polo ka kikuludila mu phila kayolukila na Ntinu Angilipa?
-
Buidi Polo kasadisila ntinu beni muingi katsikika mayindu mu Yave ayi mu masonoko, kubika kuandi mu naveka?—Tala Mavanga 26:22.
Mbi Tulenda Longuka Matedi Polo?
2. Batu bawombo balenda luta vua nkinza mambu tunlonga, befu kuvangila mawu mu ku kikulula ayi mu lukinzu.
Landakana Kifuani ki Polo
3. Bika kuyimonisa ti ngie wulutidi. Ba keba keba muingi wubika kuvanga batu kuyindula ti ngie zebi mamoso ayi bawu basa zaba ko ni diambu. Yolukila mu lukinzu.
4. Bika batu bamona ti mambu wuntuba mamfumina mu Kibibila. Diambu di Nzambi dilenda balula phila mutu kanyindudilanga ayi mabanza mandi ma tsi ntima. Bo tunsadila Kibibila, tuidi mu kusadisa mutu kaba kiminu kingolo ayi kikiedika.
5. Ba wuvumbama. Bika kukuika bankaka bamona ti ngie to wunnunga. Befu tulendi kuambila ko. Monisa ti wu kikululanga mu kuba wuvumbama ayi kuzaba thangu wulenda botukila vana. (Zinga. 17:14; Tito 3:2) Mvutu wuvumbama, wulenda vana luaku muingi mutu beni ka tukuwa kilumbu kinkaka.
