Ngie Wuntebuka Moyo?
Mimvutu mi mintu mi malongi tulongukidi mu Kibanga ki Nsungi wu mvu 2019?
Mbi binsudula lukanu lu Nzambi: ‘Binuanunu bioso bamvanga muingi kukunuanisa bialasa nunga ko.’? (Yesaya 54:17)
Tulenda ba lufiatu ti Yave wala tukieba mu ‘nganzi yi bankua tsisi.’ (Yesaya 25:4, 5) Zimbeni zitu balasa nunga ko kututuadisa ziphasi zilenda kadidila.— w19.01, tsielu 6-7.
Buidi Yave kamonisina busonga kuidi basi Kanani ayi basi Isaeli bamonisa matingu?
Yave wutuadisa lufundusu kuidi batu baba vanganga kitsuza, baba tovulanga bakieto ayi bana. Vayi nandi wusakumuna batu baba tumamananga ayi baba kiebanga bankaka mu phila yisonga.—w19.02, tsielu 22-23.
Mbi tulenda vanga boti tuidi vama mutu wukhambu buongiminanga Yave wumvanga nsambu?
Befu kumonikina mambu beni, tulenda tatamana sui ayi kumonisa lukinzu. Befu tutubanga ko “amen” ayi tusimbasananga ko mu mioko na batu bankaka mu thangu bamvanga nsambu. Befu tulenda sola kuvanga nsambu’itu ku tsi ntima.—w19.03, tsielu 31.
Kibila mbi kukuika muana kilezi kubundana nyitu didi disumu dingolo?
Disumu kuidi mutu bankuika kubundana nyitu, disumu kuidi kimvuka, disumu kuidi zimfumu zi luyalu ayi mvandi disumu kuidi Nzambi. Ku bibuangu bidi minsiku mi tsi mintuba ti bafueti zabikisa kuidi zimfumu zi luyalu mutu bekuika muana kilezi kubundana yandi nyitu, bakulutu ba kimvuka banlandakananga miawu.— w19.05, tsielu 9-10.
Buidi tulenda baludila phil’itu yi kuyindudila?
Biuma binkinza tufueti vanga bidi: Kukolukanga na Yave mu nzila nsambu, kuyindula mu mambu wuntanga, kukifiongunina ayi kusola bakundi mu nduenga.—w19.06, tsielu. 11.
Buidi Tulenda Kubimina Bubu mu Zithotolo Zinkuiza?
Tufueti kindisa kikundi kitu na Yave. Tufueti ba lufiatu ti Yave wutu zolanga ayi kalasa tukuekula ko, tanganga Kibibila kadika kilumbu, sambilanga kadika kilumbu, ba lufiatu ti zikhanu zi Yave zitedi Kintinu ziala salama, lunda mu ntu matangu ma Kibibila wunzolanga, lunda mu ntu minkunga minkembisa Yave ayi yimbila miawu.—w19.07, tsielu 2-4.
Buidi Tulenda Sadisila Basi Dikanda Ditu?
Buboti beni kuvisa mabanza mawu, kumonisa kifuani kimboti, kuba mvibudulu ayi kumonisa mamboti.—w19.08, tsielu 15-17.
Buidi tumbakilanga khindusulu mu mambu Yesu katuba mu Matai 11:28?
Befu tuidi mintuadisi milutidi, bakundi balutidi ayi tuidi kisalu kilutidi.—w19.09, tsielu 23.
Buidi Yave kalenda tuvanina mangolo muingi tuvanga luzolo luandi? (Filipi 2:13)
Bo tuntanga Diambu di Nzambi ayi tumfiongunina diawu, Yave mvandi kalenda tuvana mangolo ma kuvanga luzolo luandi. phevi’andi yinlongo yilenda tusadisa muingi tubuela pisuka mu mambu tuzebi kuvanga.—w19.10, tsielu 21.
Zithuadusulu mbi zilenda kutusadisa kubaka makani mamboti?
Zithuadusulu zitanu: Sambila mu nduenga, fiongunina makani widi, fiongunina bibila mbi widi, tsikika makani maku ayi zaba ti wulendi vanga ko mamoso.—w19.11, tsielu 27-29.
Bo Satana kakamba Eva ti kasinkuiza fua ko, bukiedika ti nandi waba kamba Eva ti batu badi muela wukhambu fuanga?
Ḿba ndamba. Satana kasa kamba ko Eva ti, wala monika buka ti wufua vayi nandi wala tatamana kuzinga. Nandi wukamba Eva ti muisinkuiza fua ko. Befu tuzabisi ti mbuongimini yi luvunu yi bungua mu khuka yi minlangu mu thangu Nowa. Malongi amomo mantuba ti muela wufuanga ko ḿba mamonika bo Nzambi kavanga batu boso ku Babeli kutona kukoluka zimbembo ziviakana.—w19.12, tsielu 15.