Biuvu bi Mintangi
bi Lutangu lu Minkunga 12:7 Luntubila?
Befu kutanga matangu moso tunkuiza mona ti matangu amomo batu mantubila.
Mu Minkunga 12:1-4, Befu tuma tanga ti ‘vasiedi ko mutu wukuikama vantoto.’ Buabu ndoko tufiongunina mantuba Minkunga 12:5-7, muingi tubaka mvutu wukiuvu akiokio.
“‘Mu kibila ki zikhuamusu bantuadisanga kuidi batu bakuikama,
Mu kibila ki manyongi ma biphumbulu,
Minu yala telama ayi yala banuanina butubidi Yave.
‘Yala bavukisa mu mioko mi batu ba kuba lenzanga.’
Mambu Yave kantubanga madi mavedila;
Madi buka palata badiodisila mu forno yintoto, badiodisila sambuadi di zikhumbu.
Ah Yave, ngie wala basueka;
Wala kieba kadika mutu mu bawu mvu ka mvu, mu kibila ki mbandu ayiyi.”
Lutangu 5 lummonisa mambu Nzambi kantuba matedi basukama. Nandi wala bavukisa.
Lutangu 6 lumbuela kutuba ti ‘mambu Yave kantubanga, madi mavedila’ ‘madi buka palata badiodisa.’ Ayi Baklistu boso bakuikama, bankikininanga mu mawu.—Minku. 18:30; 119:140.
Buabu, tala mambu madi mu lutangu lunlanda, Minkunga 12:7: ‘Ah Yave, ngie wala basueka; Wala kieba kadika mutu mu bawu mvu ka mvu, mu kibila ki mbandu ayiyi.’ Mbi lutangu alolo luntomba kutuba?
Bankaka banyindulanga ti ‘kusueka’ bantubila mu lutangu 7 kutedi ‘Diambu di Nzambi,’ bantubila mu lutangu 6. Ayi befu tuzebi ti Yave wukieba Kibibila kheti mu mangolo bawombo bavanga muingi kukandimina ayi kutulula kiawu.—Yesa. 40:8; 1 Pete. 1:25.
Vayi mvandi, mambu madi mu lutangu 5 madi makiedika. Yave wala tatamana kusadisa ayi kuvukisa batu ‘basukama’ ayi bantovuka.—Yobi 36:15; Minku. 6:4; 31:1, 2; 54:7; 145:20.
Buabu, banani bantubila mu lutangu 7 Yave kala sueka?
Befu kufiongunina matangu mankaka ma kapu beni, tunkuiza mona ti Yave batu kala sueka.
Minkunga 12:1 luntonina mu kutubila matedi ‘batu bakuikama’ balenda vunuka kuidi bankua mambi. Ayi lutangu lunlanda luntuba ti Yave wala fuemina batu bansadilanga bubi ludimi luawu. Nsoniki wu Minkunga wutu kindisa ti tulenda ba lufiatu ti Yave wala sadisa dikabu diandi, kibila mambu nandi kantubanga, madi mavedila.
Diawu, lutangu 7 luidi mu kutubila matedi Yave kusueka ayi kukieba batu basukama voti bantovukanga mu mioko mi bankua mambi.
Bikuma ‘wala basueka’ bimmonika mvandi mu masonoko makhulu ma Kiebeleo. Mu Septuaginta yi Kingeleko, bansadila kikuma ‘befu’ khumbu ziwadi mu luangu 7. Ayi mawu ma tutebula monyo, ‘basukama’ bamvionkila mu zikhuamusu. Kutsuka lutangu 7 vantuba ti Yave ‘wala kieba ‘kadika mutu mu bawu’ mvu ka mvu mu kibila ki ‘mbandu ayiyi yi batu bantuadisanga mambi’. (Minku. 12:7, 8) Mu masonoko ma Alamaiko, lutangu lu 7 luntuba: ‘Ngieyu, A Mfumu, wala kieba basonga. Ngie wala basueka mvu ka mvu, mu kibila ki mbandu ayiyi yiwedi mavanga mambi. Yoso khonzo bankua mambi bankuenda, bambanga buka kibulu kimfifanga menga, kindodisa menga ma bana ba batu’. Mambu amomo ma tubuela lufiatu ti Minkunga 12:7 luisintomba ko kutuba ti Yave wala kieba mambu nandi kantubanga.
Vayi matangu amomo mamvana kivuvu kuidi ‘batu bakuikama’ ti Nzambi wala basadisa
