LULEKA NKIELO!
Batu basiedi ko diana kuidi basi Politiki—Bibila mbi kintuba mu diambu beni?
Mu mvu 2024, zivoti ziwombo mazi salama mu nza yoso yimvimba viokila zio zilenda salama mu mvu mosi. Vayi, batu basiedi ko diana kuidi basi Politiki.
Basi Medika bawombo bo bayuvula batubidi ti “basi politiki bawombo beta tomba mamboti mawu veka” va buangu kisadisa batu bo balembo yadila. a—Pew Research Center, 19 Septembre 2023.
Mintueni miwombo phe basiedi ko diana kuidi basi politiki.
“Mintueni mi lumbu kiaki balembo kitatikisa khumbu ziwombo mu tomba phila balenda manisina zithatukusu ziawu, vayi bo ba bayuvudi batubidi ti basi politiki bakadi zaba sadila diela beni.”—The New York Times, 29 Janvier 2024.
“Ankete mosi yimonisini ti mintueni beta tudila diana batu bo beta tula zivideo mu zireso sosio ayi batu bawombo beta kubalandakana viokila basi politiki.”—The Korea Times, 22 Janvier 2024.
Tulenda tudila basi politiki diana ti maba tula luzingu luba lumboti mu bilumbu binkuiza? Kuidi nani tulenda tudila diana?
Tadila mboti mutu nio tidi tudila diana
Yidi diambu dimboti mu diambu di batu, batadila mutu nio batudi tudila diana. Bibila kitubidi ti “nkua buzoba weta tudila diambu dioso diana, vayi nkua bunzumbi weta yindula ntuamina kavanga diambu.”—Zingana 14:15.
Muingi wuzabanga zitsangu mbi zidi zikiedika ayi zio zidi ziluvunu, tanga disolo diadi ditubidi ti“Nasala nini mpo namibatela na bansango ya lokuta?.”
Buba basi politiki bobo badi mavanga mamboti ayi mayindu mamboti balendi ko nunga vanga mambu moso momo bakeni. Diawu Bibila kituluengisi ti:
“Kadi tula diana dieno mu bana ba mintinu, mu batu bobo beti fua, bobo balendi vukisa ko.”—Minkunga 146:3, Good News Translation.
Pfumu nio wulenda tudila diana
Bibila kisudikisidi ti Nzambi wubieka pfumu nio fueni ayi tulenda tudila diana: Yesu Kristu. (Luka 1:32, 33) Yesu niandi Ntinu yi Kipfumu ki Nzambi, guvernema yo yilembo yadila ku diyilu.—Matayi 6:10.
Tomba zaba bila kio wulenda tudila Yesu diana ayi mambu mo kela tula mu diambu di manisa ziphasi zio tulembo dengana. Tanga masolo mama “Nani azali Mokonzi ya Bokonzi ya Nzambe?” ayi “Bokonzi ya Nzambe ekosala nini?”
a Pew Research Center, “Mayindu mambimbi ma basi medika mu di polikiti yi tsi,” Septembre 2023.